निरगमन 28

याजकन कर पवितर कपडा

(निरगमन 39:1-7)

1तै इस्राएली मनसेन के बीच लग अपन भाई हारून के अउ ओखर संग टोरवा, नादाब, अबीहू, एलीआजार अउ ईतामार नाम के अरपित करै के उदेस्य लग अपन लिघ्घो लाबे कि उन मोर निता याजक के काम करै। 2तै अपन भाई हारून के निता सान अउ सोभा के निता पवितर कपडा बनवाबे। 3अउ जेतका के हिरदय हे दिमाक हबै, जिनही मै दिमाक देयबाले आतमा लग भरपूर करे हबै, उनके तै, हारून के कपडा बनामै के आदेस दे, कि हारून के निता बन्डी बनामै कि ऊ पवितर हुइके मोर निता याजक के काम करै। 4जउन बन्डी उनके बनामै के होही, ऊ हइ हबै, मतलब, सीनाबन्द अउ एपोद, अउ बागा, चारखाने के लम्बा खुरथा, मुरेठा अउ कमरबन्ध इहै पवितर कपडा तोर भाई हारून अउ ओखर टोरवा के निता पवितर कपडा बनवाबे, कि ऊ मोर निता याजक के काम करै। 5अउ ऊ सोन चांदी अउ नीला अउ बैगनी अउ ललका रंग के अउ पातर गुथे हर सूत के कपडा ले। 6उन एपोद के सोन अउ नीला बैगनी अउ ललका रंग के कपडा अउ बटे हर पातर सूत के सनी के कपडा के बनामै, जउन कि निपड कढाई के काम करै बाले के हाथ के काम होय। 7ऊ हइमेर लग जोडे जाय कि ओखर दुनो खांधा के मूंड अपनै हे मिले रहै। 8उके बांधै बाले पट्टे के जउन ओखर हे निपुडता लग गुथे हर होही, मिस्तिरी अउ चीज अक्ठिन होही, ऊ बिगर जोड के होय, ऊ बिगर जोड के अउ पातर सूत लग बुने हर नीला अउ ललका रंग के बन्डी के होही। 9फेर दुइठे सुलेमानी मडि लइके अउ उनखर हे इस्राएल कर टोरवन के नाम के जसना खोदबे। 10उनखर मसे छय नाम अक मडि हे अउ बचेहर छयठे नाम पइदा क्रम मेर दूसर मडि हे। 11जउन मेर जोहरी मुदरा के खोदथै, उहैमेर तै इस्राएल कर टोरवन के नाम उन दुइठे मडि हे खोदबे, उनके सोन के खांचन हे जुडवा देबे। 12अउ दुनो मडि के एपोद के खांधा हे लगवाबे, उन इस्राएलिन के सुरता दिलामै बाले मडि ठहरी, मतलब हारून उनखर नाम भगवान कर आगू अपन दुनो खांधा हे सुरता के निता धारन करी। 13फेर सोन के खांचा बनवाबे। 14तै डोरा के जसना बटे हर सुध्द सोन के दुइठे जंजीर बनवाबे, अउ गुथे हर जंजीरन के खांचा हे जड देबे।

छाती कर कवच

(निरगमन 39:8-21)

15फेर नियाव के कवच के कढाई के काम के बनवाबे, एपोद के जसना सोन, अउ नीला बैगनी अउ ललका रंग के अउ बटे हर पातर सूत के सनी कर कपडा के उके बनवाबे। 16ऊ चउकोर अउ दोहरा होय, अउ ओखर लम्बाई अउ चउडाई अक-अक्ठी बीता के होय। 17अउ ओहमा चारठे पंक्ति मडि जडबे, पहली पंक्ति हे माडिक्य पद्यराग अउ लालडी होय। 18दूसर पंक्ति हे मरकत नील मडि अउ हीरा। 19तीसर पंक्ति हे लसम सूरकान्त अउ नीलम। 20अउ चउथी पंक्ति फीरोजा, सुलैमानी मडि अउ यसब होय, हइ सगलू सोन के खांचा हे जडै जाय। 21अउ इस्राएल कर टोरवा के जेतका नाम हबै, ओतकै मडि होय, मतलब उनखर नामन के गिनती के जसना बाराठे नाम खुदे, बाराठे कुरन मसे अक-अक्ठी के नाम अक-अक्ठी मडि हे असना खुदे जसना छापा खोदे जथै। 22फेर कवच हे डोरा के जसना गूंथेहर सुध्द सोन के सांकड लगवाबे। 23अउ कवच हे सोन के दुइठे कडिया लगवाबे, अउ दुनो कडिया के कवच के दुनो सिरा हे लगवाबे। 24अउ सोन के दुनो गूंथे, सांकडन के उन दुनो हुक हे जउन कवच के सिरा हे हुक लगवाबे। 25सोन के दुनो तारन के दुनो किनारे के दुइठे खांचा हे जडबे, उनके कन्धन हे आगू के पल्ला गढबे। 26फेर सोन के दुइठे अउ हुक बनवायके कवच के दुनो सिरा हे ओखर ऊ कोर हे जउन एपोद के भित्तर के पल्ला होही लगवाबे। 27फेर उनखर सिबाय सोन के दुइठे अउ हुक बनवायके एपोद के दुनो खांधन हे तरी लग ओखर आगू अउ ओखर जोड के लिघ्घो एपोद के काढेहर पट्टे के उप्पर लगवाबे। 28अउ कवच अपन हुक के दवारा एपोद के हुक हे नीला फीता लग बन्धररे जाय, इहैमेर ऊ एपोद के हुक पट्टा हे बने रहै, अउ कवच एपोद हे अलगे झइ होय पाबै। 29जब हारून पवितर जिघा हे परवेस करै, तब ऊ नियाव के कवच हे अपन हिरदय कर उप्पर इस्राएलिन के नाम के लगाय रहै, जेखर ले भगवान के आगू उनखर सुरता लगेतार रहै। 30अउ तै नियाव के कवच हे ऊरीम अउ तुम्मीम के रखबे, अउ जब हारून यहोबा के आगू आबै, तब ऊ ओखर हिरदय के उप्पर होय, इहैमेर हारून इस्राएलिन के निता भगवान के नियाव के अपन हिरदय के उप्पर लगेतार रहै।1

दूसर याजकीय कपडा

(निरगमन 39:22-31)

31फेर एपोद के बागे के सगलू नीला रंग के बनवाबे। 32ओखर बीच मूंड धरै के निता अक्ठी छेद रखबे, ऊ छेद के चउगिरदा पल्ला बख्तर के छेदा के जसना बने हर कोर होय कि ऊ फटै झइ पाबै। 33ओखर तरी बाले घर छो चउगिरदा पल्ला नीला, बैगनी अउ ललका रंग के बन्डी के अनार लगवाबे अउ ओखर बीच-बीच चउगिरदा पल्ला सोन कर घन्टी लगवाबे। 34मतलब अक्ठी सोन के घन्टी अउ अक्ठी अनार, फेर अक्ठी सोन के घन्टी अउ अक्ठी अनार, इहैमेर ले बागे के तरी बाले घेरे हे चउगिरदा पल्ला ओसनेन होय। 35हारून याजक के काम करत टेम, उस अंगरखा के पहिर लइ, जब हारून यहोबा कर आगू पवितर जिघा हे आही, मतलब उहां लग बाहिर आही, तब घन्टिन कर आरो सुनाई देय चाही, नहिता ऊ मर जही। 36तै सुध्द सोन कर अक्ठी पट्टी बनवाबे, अउ जसना छाप हे ओसनेन ओहमा हइ अक्छर खोदे जाय, मतलब भगवान कर निता पवितर। 37अउ उके नीला फीता लग बांधबे, अउ ऊ पगडी कर आगू के पल्ला बांधबे। 38ऊ हारून के माथा हे रहै, इहैनिता कि इस्राएली जउन कुछु पवितर ठहराय, मतलब जेतका पवितर चीज भेंट हे चढामै उन पवितर चीजन के दोस हारून उठाय रहे, अउ ऊ लगेतार ओखर माथा हे रहै, जेखर लग भगवान उनखर लग मगन रहै। 39तै महीन सूती के कपडा के चारखाने के खुरथा बुनिहे, अउ महीन सूती के बन्डी के मुरेठा बनाबे, अउ करबन्ध बनवाबे, जेखर लग सूजी लग कसीदा कढाई करे गय होय। 40हारून के टोरवन के निता खुरथा, कमरबन्ध अउ टोपी बनवाबे, उनही हइ कपडा सान अउ सोभा के निता बनवाबे। 41तै हइ बन्डी अपन भाई हारून अउ ओखर संग ओखर टोरवन के चीनबे, उनखर अभिसेक अउ संस्कार करबे, उनके याजक पद हे अभिसिक्त करहे, उनके पवितर करबे, कि ऊ मोर निता याजक के काम करै। 42अउ उनखर निता सन के कपडा के जंघिया बनवाबे, जिनखर लग उनखर देह मूंदे रहै, उन कमर लग जांघ तक के होय। 43अउ जब हारून या ओखर टोरवा मिलापबाले तम्बू हे परवेस करै, या पवितर जिघा हे सेबा टहल करै के बेदी के लिघ्घो जाय, तब उन ऊ कनिहा लग जांघ तक पहिरे रहै, नहि ता उन पापी ठहरै, अउ मर जाय, हइ हारून के निता अउ ओखर बाद ओखर बिरादरी के निता सबरोज के नियाव ठहरै।