निरगमन 27

बेदी

(निरगमन 38:1-7)

1तै बमूर कर लकरी के अक्ठी बेदी बनवाबे, जउन दुइ हाथ लम्बा अउ पांच हाथ चउडा बनवाबे, बेदी चउकोर होय, अउ ओखर ऊंचाई तीन हाथ के होय चाही। 2अउ तै ओखर निता चउगिरदा कोन्टा हे चार सींग बनवाबे, बेदी अउ ओखर सींग लकरी के अक्ठिन खन्डा होय चाही, अउ उके पीतर लग मढवाबे। 3तै ओखर राख उठामै के बरतन, अउ फावडियां अउ खोरिया, अउ कांटा अउ अंगीठियां बनवाबे, ओखर सगलू बरतन पीतर लग बनवाबे। 4तै ओखर निता पीतर के जाली के अक्ठी झंझरी बनवाबे, झंझरी के चउगिरदा कोन्टन हे पीतर के चारठे कडा बनवाबे। 5तै झंझरी के बेदी के चवगिरदा पल्ला के जाली के तरी असना लगवाबे, कि ऊ बेदी के बीच तक ऊंच रहै। 6तै बेदी के निता बमूर कर लकरी के डन्डा बनवाबे, अउ उके पीतर लग मढवाबे। 7डन्डे कडन हे डाले जाए कि जब-जब बेदी उठाय जाए, तब ओखर दुनो बाजुन हे रहै। 8तै तखथा जोडके ओही खोखली बनवाबे, जसना तोके डोंगरा छो दिखाय गय हबै, ओसनेन बेदी बनै चाही।

परभु कर उपस्थिति बाले तम्बू कर अंगना

(निरगमन 39:9-20)

9तै तम्बू के जिघा के अंगना बनवाबे, अउ अंगना के दक्खिन भाग के परदा पातर बुने हर सूती के कपडा होही, ऊ अक पल्ला सव हाथ लम्बा होही। 10उनखर निता बीसठे खम्भा बनै अउ इनखर निता पीतर के बीसठे खुरसी बनै, अउ खम्भा के हुक अउ उनखर पट्टी चांदी के होय। 11अउ उहै मेर अंगना के उत्तर के पल्ला लम्बाई सव हाथ लम्बा परदा होय, अउ उनखर निता बीस खम्भा अउ इनखर निता पीतर के बीस खम्भा खाने होय, अउ उन खम्भा के छल्ला अउ पट्टी चांदी के होय। 12फेर अंगना के चउडाई हे दिनबुडती के पल्ला परदा पचास हाथ के होय उनखर निता खम्भा दसठे अउ खाने दसठे होय। 13पूरब के पल्ला अंगना कर चउडाई पचास हाथ के होय। 14अंगना के दूरा अक पल्ला पन्दरा हाथ के परदा होय, अउ उनखर निता खम्भा तीनठे अउ खाने तीनठे होय। 15अउ अंगना के दूरा के दूसर पल्ला के परदा पन्दरा हाथ के होय, उनखर निता खाने तीन अउ खाने तीनठे होय। 16अंगना के दूरा कर परदा नव मीटर लम्बा, नीला बैगनी अउ ललका रंग के कपडा अउ बटे हर सूक्छम सन के कपडा के कामदार बने होय बीस हाथ के होय, ओखर निता खम्भा चार अउ खाने चार होय। 17अंगना के चउगिरदा पल्ला के सगलू खम्भा चांदी के पट्टिन लग जुडे होही, उनखर छल्ला चांदी के अउ खाने पीतर के होय। 18अंगना कर लम्बाई सव हाथ, अउ ओखर चउडाई पचास हाथ के अउ ओखर परदा के ऊंचाई पांच हाथ के होय, ओखर परदा बटे हर सुध्द सन के कपडा के बनै, खम्भन के खाने पीतर के होय। 19तम्बू जिघा के सगलू कइ-कइ मेर के बरतन अउ सगलू चीज अउ ओखर सगलू खूंटन अउ अंगना के सगलू खूंटन पीतर के होय।

दीया के देख-रेख

(लयबेवस्था 24:1-4)

20तै इस्राएली मनसेन के आदेस देहे, कि उन दीया जलामै के निता पेर के निकारे गइस जैतून के सुध्द तेल लामै, जेखर लग अक्ठी दीया हरमेसा बरत रहै। 21हारून अउ ओखर टोरवा मिलापबाले तम्बू हे बीचबाले परदा लग बाहिर जउन गवाह चिट्ठी कर आगू होही, हारून अउ ओखर टोरवा दीया के सांझ लग सुबेन्ने तक यहोबा कर आगू सजाय के धरथै, हइ बिधि इस्राएलिन के पीढी के निता हरमेसा बने रही।