Bhilali Bible
भजन सहीता 4:8
Verse 8 is marked below, with the whole chapter around it. Read from the start
मदत वाटे सांतेली दुवा
दावुदेन लिखलो एक भजन, भजन-गावण्यान डाहला वाटे: तारवाळा वाजा पुठे गावजु
ए मारा नीयाव करन्या भगवान! जत्यार मे जुर्येत आयड़ो,
तत्यार मारी सामळी लेजी; जत्यार मे, गरा मां पड़ी रह्लु,
त्यार तु मारी मदत ने मार पर गीण दया करीन मारी दुवा सामळी ले।
ओ मटाय करन्या माणसे, तुहुंं कां तक मारी बदनामी करता रवसु?
कां तक तुहुंं झुट बुलता रवसु, ने असली फालतुत वात काजे परम करीन तीनी वातेक हेरता रवसु?
जो जाण लेवु की यहोवा भगवान तेरा माणसे काजे आपसा वाटे नेवाड़लु छे;
हेरेसी जत्यार मे यहोवा भगवान धड़े दुवा करीस, तत्यार चु मारी दुवा सामळी लेसे।
भगवान सी बीहु ने पाप मां करु; खाट्ली पर पड़्या-पड़्या वारु वीच्यार करु,
ने हुगा रहु।1
ने तत्यार यहोवा काजे गमे तसली बादा चड़ावु।
ने तेरे पर भुरसु करता रवजु।
बेसका माणसे कवे, “वारलु दाहड़ा आपणुक कुण देखाड़से?”
हेरेसी ए यहोवा भगवान,
तारा मुंहडान वीजाळो हामरे पर भबळाव!
दाणा वदु पाकणेन वजे, ने अंगुरेन रस वदु नीकेळनेन वजे,
जतरी खुसी तीनु माणसेक जड़े, तेरे सी बी बेसकी खुसी,
तु मेसेक आपलु छे।
मे बेफीकर्यु हय्न आडु पड़ रय्न ने सुय जाय्स; काहाकी ए यहोवा भगवान,
तुत मारी राखवाळी करे, तेरेमां मे काहना सी नी बीहो।
Source notes (1)
- Cross-reference ईफीसीयो 4:26
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.