विलापगीत

विलापगीत

लिखने बालो

इस किताबी मां लिखने बालेरू नवं नईं। यहूदी ते मसीह रीति रुवाज़ेरे मुताबिक दूईये यिर्मयाह नबी एस किताबरे लिखनेबाले मनतन। इस किताबरे लिखनेबाले यरूशलेम नगरेरे विनाशेरे बारे मां लाहेरू थियूं। इस सेइं इन बांदू भोते कि तैनी एप्पु दुश्मन सेनारो हमलो लाहेरो थियो। (

लिखनेरी तारीक ते जगाह

लगभग 586-584 ई. पू.

यिर्मयाह इड़ी बाबेलेरी सेनारे ज़िरिये यरूशलेम नगरेरो घेराव ते विनाशेरो ज़िक्र केरते।

शुन्ने पढ़नेबाले

गुलैमी मां बच़ोरे बाकी यहूदी ज़ैना वापस आए ते सब पवित्रशास्त्र पढ़ने बालां केरे लेई ई किताब लिखी जेई।

मकसद

पाप चाहे अकैल्‍लो मैन्हु केरे या जादे लोक, तैसेरो नितीजो भुगतनो पेते। परमेशर अपने लोकन वापस आन्नेरे लेई मैन्हु ते हालातां केरो इस्तेमाल केरते। उमीद सिर्फ परमेशरे करां भोतीए, ज़ैस तरीके परमेशरे गुलैमी मां किछ यहूदी बच़ेइतां रखोरे थिये। तैस्से तरीके तैनी अपनु मट्ठू यीशु मुक्ति देनेबालो बनेइतां दित्तो। पाप आखरी मौत आनते, पन फिर भी परमेशर अपने मुक्तरे योजनारे ज़िरिये हमेशारी ज़िन्दगी देते। विलाप गीतेरी किताब साफ-साफ ज़ोतीए, कि पाप ते बगावत परमेशरे क्रोध आनतीए।

खास मुद्दो

विलाप

रूपरेखा

1. यिर्मयाह यरूशलेम नगरेरे लोकां लेई विलाप केरते

2. पाप परमेशरेरे क्रोध आनते

3. परमेशर अपने लोकन कधे न शारे

4. यरूशलेमेरी महिमारो अन्त

5. यिर्मयाह अपने लोकां केरे लेई बिचवाई केरते