Luk

Musau Ulweela wa Yeesu Kilisito // bebye bye sinya Luka

LUKA

SHWEDELO

Luka ni wesinya kiiki kitabu. Wene mubuki, na ndeene Muyuda. Wesinya kiiki kitabu mukuboya ti wasaudile basidi Bayaudi Musau ulweela wa kufuuka kwa tima kukidila Yeesu Kilisito. Na niiye wesinya kitabu kya Bye byeeta mitonge. Luka mwinikindu ndeemona Yeesu, ila weekeba na wefifulula mauya kukidila Yeesu.

Luka ukimonesha ti Yeesu Kilisito ni Mwaana wa Mundu weeva na kukeba baaba bezizimina (Luka 19.10). Byakebee ukimonesha ti Yeesu wemonena bandu lusa baaba bene babusadi bidi: Tushuvi, na baabakazi, na baana. Luka wayakula kukidila mudimo wa Tima dya Kabejya kumaama meetanga Yeesu.

Kitabu kya Luka ni kikiyakananga kilakila kukila bitabu byooso bya Kilao Kiya. Kwa kusomba kiiki kitabu, Luka wasaula mabule kukidila kubutuka kwa Yeesu (Luka 1-2), wasaula byakebee kukidila kilongo kya Yeesu (Luka 3.23-38). Byakebee wasaula kukidila kuyabikibwa kwa Yeesu mumeema (Luka 3.21), na kulabudibwa kwaaye na Shetani (Luka 4.1-13), na mudimo waaye (Luka 4-21), na kulamikibwa kwaaye ku musalaba (Luka 22-23), na kufukuka kwaaye (Luka 24). Kisha Luka wa saula byekwimonesha Yeesu kudi badingisi baaye mbendo ya bule kisha kufukuka kwaaye. Byababika tonaa mumudimo wakusaudila bandu mauya ma Kabejya. Kumongo Luka wasaula mbini Kabejya bye mubajya Yeesu haulu mbinguni.