2 Timote

Areka ŋa mɛrəŋ nŋɛ Pol encicɛ Timote mɔ

2 Timote

Kəsɔkəs ka areka ŋa mɛrəŋ nŋɛ Pol ɛnacicɛ Timote mɔ

Buk ba 2 Timote bɔyɔnɛ areka ŋa mɛrəŋ ŋa wəmarəs Pol nŋɛ encicɛ wɛnc Timote mɔ. Anacicəs 2 Timote ntɛ kəyi wəyeŋ ka Pol kənclip mɔ. Tɛm tatɔkɔ tanabər kɔ dəbili Rom (1.16). Pol ŋanayi tetin kɔ Timote haŋ pəcwe kɔ pəlarəm «wan kɔn» (AFilipi 2.22; 1 Timote 1.2,18).

Areka ŋaŋɛ ŋeyi reka ŋɔkɔ maŋkəlɛ dacɔ nŋɛ Pol encicɛ afum bafɔ kəloŋkanɛ ka alaŋ a Kanu mɔ de. Ŋɔkɔ maas iyɔ yayɛ, 1 Timote, Tit kɔ Filemɔŋ. Tɛm ntɛ anacicəs 2 Timote mɔ, anctɔrəs kəloŋkanɛ ka alaŋ nkɛ kənayi dare da Rom mɔ. Ti tɛnasɔŋɛ k'ambɛr Pol dəbili a pəcsɔŋɛ sɔ Timote kəbəknɛ kəkekərɛ pəcucanɛ. K'oloku sɔ Timote a tɛm teyeŋki teyi kiriŋ (3.1).

Tokotərɛnɛ, Teyerəs ta areka ŋaŋɛ

1. Pol oncop kəyif Timote (1.1-2) kɔ tɛyɛfɛ day-ɛ, k'ɛncəpəs kɔ abəkəc (1.3-18).

2. K'oloku Timote kəbər nnɔ pəcucanɛ peyi mɔ (2.1-13).

3. K'ɔsɔŋ kɔ mosom mɔlɔma (2.14-26).

4. Pol oloku Timote kəkɛmbərnɛ mɔyɔ mɔkɔ mendebəp kɔ alna, kɔ tɔkɔ pəmbɔt a pədebəc ti pətɔt disrɛ mɔ (3.1-4:8).

5. Kəyif kəlpəs (4.9-22).