Titusi

Weraung Na Paulusi We

Titusi

Kawio Aduna we Titusi

Titusi mamo nyontarai Yaudi dina wa, mana piana rioao Yesusi to. Paulusi yauwi we ne maniwowi we undupi kuira kong we mampata we Paulusi na mariwa nyari pa.

Arera nini pai Paulusi soi we Titusi na raora Kretapai tutu i demi nyaina yana we deung jemaat na yana pai. Na arera nini pai Paulusi derekamana parari pipa toru we Titusi dong pararia:

Retenang peino Paulusi derekamang Titusi parari topitotoi nyontarai we entiri ya we embedung na jemaati pa. Paulusi derekamang piyana pa tutu nyontarai na Kreta paya empau etong mamuna.

Kodu peino, Paulusi denyau Titusi parari topitotoi andi denyau rabuang paya na jemaati pa, aino rabuang muang paya kong wawing we embepaituang paya imbaro ya andi entanyau we emayea paya warui ya pa. Kong rabuang embe aimiomang paya, kong we embe woming paya.

Titusi tato Paulusi denyauwi parari topitotoi nyontarai Kristeng paya andi embeng pa. Piwe retenang na piyana pa aino andi emanaang kong emadori, endeo esanerire nyontarai pe, kong endeo esanewe etong amuna pe ete endeo etong nyontarai embateta ya pe.

Kawio na weraung nei kiutua tonina:

Kawio retenang.

We emariwa na jemaati paya.

Anyau we nari parari we weng pa.

Anyau parari nyontarai Kristeng paya embeng toa pa.

Kawio wepui.