Tito

Waraga ma Paulo ocoyo bot

TITO

Lanyut wilok madito ma i buk man

Tito obedo Larok ma ojolo Rwotwa Yecu Kricito me bedo lalare, ikare ma en oloke odoko Lakricitayo. En obedo ka nywako tic gin ki Paulo dok bene omiye kony madwong ikare ma gitero lok me kwena maber ibut lobo kama kiorogi iye. Paulo ocoyo waraga man bot Tito ma obedo latin tice ma onongo kiweko i lobo Kurete pi neno tic me kanica ma onongo tye kunu. Lok me waraga man tito pi jami adek ma tego adada.

Mukwongo Paulo opoyo wi Tito pi kit kwo ma latic pa Lubanga omyero obed kwede. En bene otito bot Tito ni dano ma ki yero me tiyo tic pa Lubanga kwo ne myero obed pat ki kit kwo maracu ma jo Kurete onongo gitye kwede.

Ma olubu man Paulo bene onyutu ki Tito kit ma en myero otii dok opwony dul mapatpat matye i Kanica. Magi aye dul pa ludito ma co kacel ki mon muteggi, ma gin myero gupwony mon matino, ki bulu kacel ki opii.

Me agikine lacoci onyutu bot Tito i waraga man kit ma lakricitayo myero gubed kwede, en aye ni myero gubed ki mwolo, kuc, ma ribe ki lwak pa Lubanga, ki me weko kit tim me adagadaga, mone, laro lok ma pe konyo niye ki lok makelo apokapoka keken i kanica.

Lacim wilok madito ma i buk man

Lanyut wilok ma noknok ikom lacoo waraga man

Latic me Kanica

Tic pa dul jo mapatpat matye i Kanica

Cuko cwiny ki miyo tam

Tam me agiki