Jo Roma 15:13

Tam pi dano lawoti pe itam piri keni

1Wan jo ma watek myero wakonyu jo magoro i gin maloyogi, ento pe watamu pi yomo cwinywa kekenwa. 2Ngat acel acel ikinwa myero oyom cwiny dano lawote, me konye, wek odong i niyene. 31 Pien Kricito yam pe oyomo cwinye kekene, ento obedo kit macalo yam kicoyo ni, “Ayet pa dano ma giyeti kwede dong opoto ikoma.” 4Gin ducu mayam kicoyo ikare macon ca onongo kicoyo me pwonyowa, wek wacir can, dok bene wek wabed ki gen pi lok me cuku cwiny ma wakwano i ginacoya. 5Wek Lubanga ma ladii cwiny i ciro can ducu dok bene lakwe cwiny omiwu wubed ki niang maber ikinwu kekenwu, kun wulubu kit pa Kricito Yecu, 6wek wuribe kapako Lubanga Won Rwotwa Yecu Kricito ki dwon acel.

7Wujole wunu kekenwu, kit macalo Kricito yam dong ojolowu kwede, pi deyo pa Lubanga. 8Atitiwu ni, Kricito yam oloke odoko latic ma okonyo Lujudaya, pi nyutu ni Lubanga loko lok ada, kun bene cobo gin mayam ocike iye bot kwariwa macon, 92 dok pi miyo Lurok gubed kapako Lubanga pi kicane, kit macalo yam kicoyo ni,

“Pimeno abikori ikin Lurok,

dok abiwero wer me pako nyingi.” En ma omiyo myero wuwiny luloc, pe pi lworo kiniga pa Lubanga keken, ento me miyo wek wubed bene ma iwu leng. 103

Dok yam bene owaco ni,

“Wun Lurok, wubed ki yomcwiny

kacel ki jone”; 114

dok ni,

“Wupak Rwot, wun Lurok ducu,

wek lwak me rok ducu gupake.” 125

Icaya bene yam owaco ni,

“Lakwar Yece bibino,

en bibino kaloyo Lurok;

Lurok bene gibigeno en.”

13Lubanga mamiyo dano ducu bedo ki gen myero omii yomcwiny ducu ki kuc opong i iwu pi niyewu ikome, wek genwu obed kamede ameda pi tek pa Cwiny Maleng.

Gin ma omiyo Paulo ocoyo ki tekcwiny

14Angeyo atir ni wun jo mabeco tutwal, wutye ki ngec ma oromo, dok bene wutwero pwonye giwu kekenwu. 15Ento dong atyeko coyo botwu lok mogo ki tekcwiny madit, pien amito apo wiwu iye. Atimo meno pi mot ma Lubanga omiya, 16me bedo latic pa Kricito Yecu bot Lurok. Atye katic macalo ajwaka pa Lubanga kun bene atito lok me Kwena Maber ma oa ki bot Lubanga, wek omii Lurok gubed calo gitum ma kityero ma Lubanga pwoyo, ma Cwiny Maleng dong olonyo woko odoko maleng. 17Atye ki tyen lok ma miyo awake i Kricito Yecu pi tica ma atye katiyone pi Lubanga. 18Pe abiete kaloko lok mo mukene, ento kono pi gin ma Kricito otiyo pi kelo lurok ite loce keken, kun tiyo kacel kweda ilok ki i tic, 19ma a ki i teko ma onen ki ikom lanyut mogo ki tango mogo, pi tek pa Cwiny Maleng. Meno omiyo dong atyeko tito lok me Kwena Maber ikom Kricito atika, cake ki i Jerucalem, wok kwede wa i Illiriko. 20Pien onongo aketo cwinya me tito lok me Kwena Maber kama yam dano peya guwinyo nying Kricito, wek omii pe aket gedo iwi guti mayam dong ngat mukene ocako gedo iye. 216 Kit macalo kicoyo ni,

“Jo mayam peya kitito botgi lok ikome dong gibiniang ikome,

jo mayam peya guwinyo pire gibiniang ikome.”

Yub pa Paulo me wot i Roma

227

Man aye gin ma obedo ka genga tyen mapol me bino botwu. 23Ento kombedi dong pe atye ki katic mo kany, dok bene onongo dong abedo ka mito pi mwaka mapol ni abin botwu. 24Ageno ni abinenowu ka awok ki kunu ma nongo akato acito i Spain, ageno bene ni wubikonya i wota me cito kunu lacen, ma nongo kong arii botwu pi kare manoknok. 25Ento kombedi pud kong acito i Jerucalem pi tero jami me kony bot jo pa Lubanga. 268 Pien jo pa Lubanga ma gitye i Makedonia ki Akaya dong gumoko tamgi me jogo lim me konyo jo pa Lubanga ma gitye i Jerucalem ma can omakogi. 279 Gumoko tamgi kitmeno, ento gitye bene ki banya bot jo Jerucalem, pien ka Lurok ginywako gamo mot me Cwiny kacel ki Lujudaya, myero gin bene gukony Lujudaya ki jami ma mite me gwoko kom. 28Ka dong meno otum, ma nongo dong atyeko miyo botgi gin ma kijogo pirgi, ci abiwok ki botwu ka dong akato acito i Spain. 29Angeyo ni ka ao botwu nongo abino ki gum madit ma oa ki bot Kricito.

30Abako doga botwu utmegina, pi Rwotwa Yecu Kricito ki pi mar pa Cwiny Maleng, wuket tek wuribe kacel i legawu pira bot Lubanga, 31wek abwot woko ki bot jo ma pe guye Kricito ma gitye i Judaya, dok bene wek omii dano pa Lubanga ma gitye i Jerucalem gupwo tic ma acito katiyone kunu. 32Pimeno ka Lubanga oye wek abin botwu ki yomcwiny madwong, ci kong aywe bene kacel kwedwu. 33Lubanga won kuc obed kwedwu ducu. Amen.