Acoli Bible Revision
Jabuli 150
Wupak Rwot
Wupak Rwot.
Wupak Rwot i kabedone maleng;
wupake bene i dan polone matek!
Wupake pi tic me twer ma en otiyo;
wupake pi dite madwong makato ducu.
Wupake kun wukutu tum;
wupake ki nyamulere ki nanga!
Wupake ki myel ki ajaa;
wupake ki nanga ki lukeme!
Wupake ki bul ma kok malongo;
wupake bene ki gara ma kok malongo!
Wek gin ducu ma ywe gupak Rwot!
Wupak Rwot!
Acoli Bible Revision. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.