Jabuli 149

Wer me pako Rwot

1Wupak Rwot!

Wuwer wer manyen bot Rwot;

wupake i coke pa lwak ma gin gene!

2Wun jo Icrael, cwinywu myero obed yom ikom Lubanga ma ocweyowu;

wun jo Cion, wubed ki yomcwiny pi Rwotwu!

3Wupak nyinge ki myel;

wugo bul ki nanga kun wupake kwede.

4Pien Rwot cwinye yom ikom lwake;

en miyo deyo bot jo mamwol, miyo giloyo.

5Wek jone ma gigene gugo kijira kideyo;

wek guwer wer me yomcwiny i karamagi.

6Wek gudange matek ki dwon malongo ka gipako Rwot,

dok gumak pala lucwan ma lebe bit ryoryo i cinggi,

7me culu kwor ikom lurok,

ki dok me pwodo lwak me rok mapol,

8me tweyo lukergi woko ducu ki nyor,

ki me tweyo luditogi me awora woko ducu ki nyor me nyonyo,

9ki me miyogi pwod ikomgi kit mayam Lubanga ociko!

Man aye loc pi lwake ducu ma gin gene.

Wupak Rwot!