Jo Pilipi

Waraga ma Paulo ocoyo bot

JO PILIPI

Lanyut wilok madito ma i buk man

Paulo ocoyo waraga man bot jo Pilipi i kanica ma en okwongo cakone i lobo Ulaya. Jo Pilipi onongo gin tye ite loc pa jo Roma ma onongo gin loyo lobo me Mekadonia ducu. Paulo ocoyo waraga man ikare ma onongo en tye i buc.

En onongo iye pe yom ikom tim pa jo mukene ma onongo dage nono ki dok bene gin pwonyo pwony kilong ma balo tam pa dano ikom Lubanga ki ikanica matye i Pilipi.

Waraga man onyutu kamaleng yomcwiny ki gen ma Paulo tye kwede ikom Yecu Kricito pi niyene matuti.

Paulo bene opwoyo jo Pilipi pi mot mapol ma gin gucwalo bote ikare ma e tye ki miti.

En dong otiyo ki gum me mot man me cuko cwiny jo Pilipi me bedo ki tek cwiny kadi bed en ki gin gitye ki can madwong. En bene olego gin me bedo ki cwiny me mwolo calo pa Yecu Kricito ma kabedo ki miti ki waka madwong.

Paulo opoyo wi Jo Pilipi ni, bedo ki gen ikom Yecu Kricito obedo mot me kica ma Lubanga omiyo ki gin pi niye, ento pe pi lubu Cik pa Lujudaya. Lubanga miyo yomcwiny ki kuc bot jo ma ye Yecu Kricito.

Lok madongo matye i buk man en aye yomcwiny matye i Yecu, gen, ribe, ki diyo cwiny, bedo ki niye ma atir ki kwo maber ma lakricitayo omyero obed kwede. Waraga man bene onyutu dok kelo kamaleng lok me yomcwiny, bedo ki gen, ribe ki diyo cwiny ma tye i niye pa lukricitayo ki kwogi. Ki dok nyutu miti matut ma Paulo tye kwede pi kanica matye i Pilipi.

Lacim wilok madito ma i buk man

Nyutu ngat ma ocoyo waraga man

Kit kwo ma Paulo tye iye

Kwo i Yecu

Tam me cwalo Temceo ki Epaprodito bot jo Pilipi

Gwoke ikom lumone ki gin maracu

Paulo ki lureme matye i Pilipi

Mot me agiki