Pilemon 1

1Waraga man oa ki bot an Paulo ma lamabuc pi Kricito Yecu, ki bot ominwa Temceo.

Bot Pilemon latic wadiwa ma wamaro 21 gin ki laminwa Apia, ki Arkipo acikari wadiwa, ki jo ma oye Kricito ma gin coke i kanica ma i ot ma meri.

3Lubanga Wonwa ki Rwotwa Yecu Kricito omii ki wun kica ki kuc.

Mar pa Pilemon ki niyene

4Apwoyo Lubanga kare ducu ka alwongo nyingi i legana, 5pien abedo kawinyo pi mari ki pi niyeni ma itye kwede ikom Rwotwa Yecu ki bot jo pa Lubanga ducu. 6Man omiyo alego ni, kit ribe ma waribe wan kwedi ikom niye odok matek maromo terowa iniang matut ikom gin maber ducu ma watye kwede i Kricito. 7Pien mar meri okela yomcwiny, dok ojingo cwinya ba omera, pien ikweyo cwiny jo pa Lubanga.

Pido pa Paulo pi Onecimo

8Pimeno, kadi bed atye ki tekcwiny i Kricito ma onongo omyero aciki acika me tiyo gin mo mamite, 9ento pien amari, omiyo aneno ni ber alegi alega, an Paulo ma acung ma ka Kricito Yecu, ma kombedi bene dong adoko lamabuc pireni. 102 Alegi pi latina Onecimo, madong adoko wone i cwiny ki ibuc kany. 11Ikare ma okato onongo konye kong obedo peke boti, ento kombedi dong konye dit boti ki bota bene. 12Dong acwalo en me dwogo boti eno, en dong odoko macalo dul koma kikome. 13Onongo amito ni kong agwok en bota kany, wek omiya kony ma kakari ma kun pud atye i buc pi tito lok me Kwena Maber; 14ento pe amito ni atim gin mo ma kun nongo in pe iye, wek beri pe obed macalo gin ma kidiyi iye adiya, ento obed pi yeyoni in kikomi.

15Gwok onyo man aye gin ma omiyo en yam kong opoke woko kwedi pi kare manok, ni wek dong igame matwal, 16pe dok macalo opii, ento makato opii woko, macalo ominwa ma wamaro. Makatone adada en pire teka, ento ki tung boti pire dong tek tutwal, macalo lakonyi dok omeru bene i Rwotwa.

17Kitmeno, ka ingeyo ni an abedo lawoti, omyero igame ikit ma kono igama kwede. 18Kace yam otimo gin mo marac ikom in, nyo tye ki banyani mo, kwan magi ducu iwiya. 19An Paulo ki koma aye acoyo lok man ki cinga, abiculi. Pe awaco ni in bene itye ki banyana, en kwoni kikome. 20Eyo, omera, amito kony mo ki boti i Rwotwa. Kwe cwinya i Kricito.

21Atye ki gen matek ikomi ni ibiworo doga, oweko atye kacoyo boti lok man kun angeyo ni ibitimo makato ma awaco botini. 22Medo ikom meno, yuba kicika me butu pa welo, pien atye ki gen ni legawu biweko kimiya botwu.

Mot me agiki

233

Epapira lamabuc wadiwa i Kricito Yecu omoti, 244 kadi Marako, Arictako, Dema ki Luka lutic wadiwa bene gumoti.

25Kica pa Rwotwa Yecu Kricito obed kwedwu.