Matayo 17

Kom Yecu oloke mapat

(Mar 9:2-13; Luk 9:28-36)

11

Ka nino okato abicel, Yecu otero Petero, Yakobo ki Jon omine, oito kwedgi iwi got mabor i mung gin ken gi. 2Kome ocako loke woko inyimgi, wange oryeny calo ceng, ginarukane odoko tar ma wil calo dero ceng. 3Ci Moses ki Eliya gucako nen botgi, gubedo kalok ki Yecu. 4Petero owaco bot Yecu ni, “Rwot, ber mada me bedo kany. Kace i mito, abiyubu bolo adek kany, acel meri, acel pa Moses, ki acel pa Eliya.” 52 Ikare ma Petero pud tye kalok, nen, pol maryeny oumugi woko lipuk, ci dwon owinye ki i pol ma waco ni “Man aye Woda me amara; ma cwinya yom ikome, wuwinye.” 6Ka lupwonyene guwinyo man, guryebe piny, lworo omakogi matek. 7Yecu obino botgi ci ogudugi, kun waco botgi ni, “Wua malo; pe wubed ki lworo.” 8Ikare ma guilo wanggi malo, pe guneno ngat mo ento kono Yecu keken.

9Ikare madong gitye kalor piny ki iwi got, Yecu ocikogi ni, “Pe wutit bot dano mo gin ma wuneno, nio wang ma Wod pa dano ocer ki ikin jo ma oto.” 103

Ci lupwonyene gupenye ni, “Pingo Lupwonycik giwaco ni, Eliya aye kong kwongo bino?” 11Yecu odok iye ni, “Eliya aye myero okwong bino, ka wek ocak dwoko jami ducu kakare. 124 Ento atito botwu ni Eliya dong otyeko bino wacon, ento gin pe gungeye, gutimo gin ma gimito ikome. Wod pa dano bene bilimo can madwong ki i cinggi kitmeno.” 13Lacen lupwonyene guniang ni Yecu oloko botgi lok ikom Jon Labatija.

Yecu ocango awobi matye ki cen

(Mar 9:14-29; Luk 9:37-43)

14Ka dong guo bot lwak, ci dano mo oa obino bote ogungo inyime kun waco ni, 15“Rwot, kica omaki ikom woda, pien two cimo omake marac tutwal miyo tyen mapol bole woko i mac, dok tyen mapol bole woko bene i pii. 16Nakanen akele bot lupwonyeni, ento cangone oloyogi.” 17Ci Yecu ogamo ni, “Wun yalwak me kare man niyewu peke, kitwu bene dong obale woko, abibedo kwedwu nio wa awene? Wukel en bota kany.” 18Ci Yecu ogere iwi cen, ci cen oa woko ki ikome, cutcut awobi ni ocang woko i cawa meno. 19Lacen lupwonyene gubino bot Yecu i mung gupenye ni, “Gin ango mugengowa ryemone?” 205 Yecu odok iye botgi ni, “Pien niyewu nok. Pien adada, awaco kiwun ni, kace niyewu obedo calo nyig kodi karadali, ci wubiwaco ki got man ni, ‘Dire i kabedo matye loka ca,’ kitmeno bidire; ci gin mo pe biloyowu.” 21[Kit cen macalo man pe twero kati woko, kono ki lega ki rii kec keken.]

Yecu dok otito pi tone

(Mar 9:30-32; Luk 9:43-45)

22Ikare ma gucoke kacel i Galilaya, Yecu owaco botgi ni, “Wod pa dano kibimiye woko i cing dano, 23kibineke woko, ento bicer woko inino me adeke.” Ci gin ducu gukumu matek tutwal.

Culu mucoro me Ot pa Lubanga

246

Ka guo i Kapernaum, jo ma jogo mucoro me Ot pa Lubanga gucito bot Petero ci gupenye ni, “Lapwonywu pe culu mucoro me Ot pa Lubanga?” 25Petero ogamo ni, “Culu.” Ikare ma odwogo paco, Yecu oloko kwede mukwongo, kun penye ni, “Itamo gin ango, Cimon? Luker me lobo man gijogo mucoro nyo luwalo ki bot anga? Gijogo ki bot anywali me lobogi nyo ki bot lurok mukene?” 26Ikare ma ogamo ni, “Ki bot lurok mukene,” Yecu owaco ni, “Ka kitmeno ci anywali me lobogi ducu tye ki kuc. 27Kadi bed kitmeno, pe wawang igi, cit i dog nam, bol goli i pii, yut rec mukwongo moko; ka iyabo doge ci ibinongo iye cekel. Kwany cekel meno imii botgi pira ki piri bene.”