Luka 10

Yecu ooro jo pyere abiro i tic

1I nge man, Rwot oyero jo mukene pyere abiro, ci oorogi ki aryoaryo wek gukwong nyime, me cito i taun ducu ki ikabedo ducu kama en kikome obicito iye. 21 Ci owaco botgi ni, “Poto tye ma cam ocek iye madwong, ento lukac aye nok; pimeno wuleg Won poto, wek ocwal lutic ka kac.” 32 Wucit giwu; nen, acwalowu macalo lutino romi ikin orudi. 43 Pe wuwot ki kicaa lim nyo opiru, kadi war; pe wumot ngat mo i wangayo. 5Ot ducu ma wudonyo iye, wukwong waco ni, “‘Kuc obed iot man.’ 6Ka dano mo me kuc tye kunu, ci kucwu bibedo ikome; ento ka pe, ci kucwu bidwogo botwu.” 74 Wubed iot meno, kun wucamo dok wumato gin ma kimiyowu, pien latic myero kimiye mucarane. Pe wubed ka kobo iot ki ot. 8Ka wudonyo i taun mo, ce kijolowu, ci wucam gin ma kiketo inyimwu; 9wucang lutwo matye iye, wutit botgi ni, “Ker pa Lubanga dong onyiko cok botwu.” 105 Ento ka wudonyo i taun madit mo, ce pe kijolowu, ci wucit i wangayo me gang meno, ci wuwac ni, 11“Wa apwa me gangwu ma omoko i tyenwa, watengo ikomwu; kadi bed kitmeno, myero wunge man ni, ker pa Lubanga dong onyiko cok.” 126 Atito botwu ni, inino meno can pa Codom bibedo tworatwora makato pa taun meno.

Can ma bipoto ikom taun ma jo ma iye pe gungut

(Mat 11:20-24)

137

“Ibineno can, in Korajin! Ibineno can, in Betecaida! Pien kono yam tic madito ma kitiyo botwu kitiyo i Turo ki Cidon, kono jone gungut wa con, kun giruku bongo cola ma gibedo i buru bene. 14Ento can pa Turo ki Cidon bibedo tworatwora inino me ngolo kop, makato can ma bipoto ikomi. 158 Ki in Kapernaum, i mito ile woko malo wa i polo ce? Pe kumeno, kibidwoki woko piny i kapiny.” 169

“Ngat ma winyowu, nongo owinyo an, ngat ma kwerowu, nongo okwero an; ngat ma kwera, nongo okwero ngat ma oora.”

Dano pyere abironu gudwogo cen

17Dano pyere abironu gudwogo cen ki yomcwiny, kun giwaco ni, “Rwot, wa cen bene guwinyo cikwa pi nyingi!” 18En odok iye ni, “Yam aneno Catan kun poto piny nia ki i polo macalo lutkot. 1910 Nen, dong amiyowu twero me nyono twol ki oton, ki me loyo tek ducu pa lakwor; gin mo pe bitimowu marac. 20Kadi bed kumeno cwinywu pe obed yom piman ni, cen giwinyo cikwu; ento cwinywu obed yom, pien nyingwu kicoyo iwi polo.”

Yecu obedo ki yomcwiny

(Mat 11:25-27; 13:16-17)

21I cawa meno Yecu obedo ki yomcwiny i Cwiny Maleng kun waco ni, “Apwoyi, Wora, in Rwot me polo ki me lobo, pien ikano lok magi woko ki bot luryeko ki lunge piny, ci inyutugi bot lutino lukere; eyo, Wora, pien onongo ipwoyo kit yo macalo meno. 2211 Jami ducu dong Wora otyeko miyogi woko bota; ngat mo pe ma ngeyo ni Wod en anga, kono Won keken, dok bene ngat mo pe ma ngeyo ni Won en anga, kono Wod keken, ki ngat ma Wod oyero me nyutu Won bote.”

23Yecu oloke bot lupwonyene, owaco botgi i mung ni, “Tye ki gum, dano maneno gin ma wun wuneno! 24Pien atitiwu ni, lunebi ki luker mapol yam gugomo me neno gin ma wun wuneno, ento pe guneno, ki me winyo gin ma wun wuwinyo, ento pe guwinyo.”

Carolok ikom Lacamaria maber

2512

Nen, ngat mo acel ma Lapwony Cik oa malo, me temo i Yecu kun penye ni, “Lapwony, atim ango wek alim kwo ma pe tum?” 26Ci Yecu openye ni, “Kicoyo ni ngo i cik? Ikwano ningning?” 2713 Danonu odok iye ni, “Mar Rwot Lubangani ki cwinyi ducu, ki tipuni ducu; ki teki ducu, ki tami ducu; mar lawoti bene macalo imare keni.” 2814 Yecu ogamo doge ni, “Idok iye kakare; tim kitmeno, ci ibikwo.”

29Ento danonu pi mito loyo kop, openyo Yecu ni, “Anga kono ma obedo Lawota?” 30Yecu odoke iye ni, “Yam tye dano mo ma oa ki i Jerucalem, cito piny tung Jeriko, ci orwate ki luyak; gulunyu bongine ki ikome, ci gupwode, gucito, guweke kun dong cok to. 31Ci nen, ajwaka pa Lubanga mo onongo bene tye kalubu yoo meno; ka onene, ci obare okato ki i teng yo tung cel. 32Kitmeno Lalevi mo bene ka oo ikabedo meno, onene, ci en bene obare woko okato ki cen. 33Ento Lacamaria mo ma onongo bene tye kawot i yoonu, oo ka kama en tye iye. Ikare ma onene, ci kica omake ikome. 34Ocito bote, oonyo moo jeituni ki kongo bwino iwang rete, ci otweyo woko. Lacen okete iwi kanane, ci otere i ot welo, wek kigwoke. 35Orwone okwanyo lim, omiyo bot ngat ma gwoko ot welo, ocike ni, ‘Twoye; gin ducu ma ibimiyo makato, an abiculi ka adwogo.’ 36Anga ikin jo adeki ma itamo ni obedo lawot danoni ma orwate ki luyaki?” 37En odok iye ni, “Ngat ma otime kicani.” Yecu owace ni, “In bene cit, icitim kitmeno.”

Yecu olimo Marita ki Maliam

3815

Ikare mo ka gitye kawot i yo, ci Yecu odonyo i taun madit mo, ci dako mo ma nyinge Marita ojole i ode. 39En yam tye ki lamine nyinge Maliam, ma obedo katyen Yecu kun winyo pwonye. 40Ento Marita onongo obedo ka cane ki tic mapol; ci en ocito bot Yecu, openye ni, “Rwot, pe iparo ni lamera oweka atye katic kena? Wac bote wek okonya.” 41Ento Rwot ogamo ni, “Marita, Marita, itye ki par mapol, dok cwinyi bene ongabe pi jami mapol, 42ento tye gin acel keken mamite. Maliam oyero dul maber ma pe kibikwanyo woko ki bote.”