Luka 1:37

1Bot Teopilo:

Jo mapol dong gutiyo matek me coyo lok ikom gin ma otime ikinwa, 2macalo jo ma guneno ki wanggi nia i acaki, dok ma gudoko lutic me lok meno, ci gukwango botwa. 3Pimeno, Ladit Teopilo, ka dong angiyo gin ducu nia i acaki, an bene atamo ni bedo ber ka ce acoyo piri, kun aryeyo gin lok meno kore ki kore, 4wek iniang ada me lok meno mayam kipwonyi kwedeni. 51

Ikare pa Kerode, rwot me Judaya, onongo tye ajwaka pa Lubanga mo ma nyinge Jakaria, me wang tic pa Abiya. En yam tye ki dakone ma ikin anyira pa Aron, nyinge Elicabet. 6Gin aryo ducu yam kitgi atir inyim Lubanga, kun gilubu cik pa Rwot ducu labongo bal. 7Ento onongo gipeke ki lutino, pien Elicabet yam lalur, dok gin aryo ducu onongo dong guti woko.

8Ikare ma Jakaria tye katiyo tic me ajwaka inyim Lubanga, ikare me dog tice, 9macalo kit pa ajwaki tye, kwir opoto ikome me donyo i Ot pa Rwot ka wango odok ma ngwece kur icawa me lega. 10Ka lwak dano ducu onongo pud gitye woko kalega icawa me wango odok ma ngwece kur. 11Lamalaika pa Rwot onen bote kun ocung tung lacuc inget keno tyer me wango odok ma ngwece kur. 12Ka Jakaria onene, ci cwinye opoto, lworo omake. 13Ento lamalaika owace ni, “Pe ibed ki lworo, Jekariya, pien Lubanga dong owinyo legani. Dakoni Elicabet binywali latin laco, ci ibicako nyinge Jon. 14Ibibedo ki yomcwiny, cwinyi bikwee, jo mapol cwinygi bibedo yom pi nywale; 152 pien en bibedo madit inyim Rwot. En pe bimato kongo bwino kadi gin mamero dano; en bipong ki Cwiny Maleng, nia ki i mine. 16En bidwoko jo Icrael mapol bot Rwot Lubangagi. 173 En bitelo nyim Rwot i cwiny ki tek pa Eliya, pi loko cwiny wegi lutino me dwoko ikom lutinogi; pi dwoko dano ma lujemo cen i yo me ryeko pa jo ma kitgi atir, dok me yubu pi Rwot jo madong gutere pire.”

18Ci Jakaria openyo lamalaika ni, “Abingeyo man ningning? Pien an dong atii woko, dakona bene dong otii.” 194 Lamalaika ogamo doge ni, “An Gabriel, acung inyim Lubanga; kiora kalok kwedi, akeli kwena man maber. 20Winy ba, ibiling ma pe itwero loko lok mo, nio inino meno ma lok man bitime iye, pien in pe iye loka, ma bicobbe ka kare ne oromo.”

21Lwak onongo gubedo kakuru Jakaria, guuru pi riine tutwal i Ot pa Lubanga. 22Ka Jakaria okati woko, onongo pe twero lok kwedgi, omiyo guniang ni oneno ginanyuta i Ot pa Lubanga. En obedo ka gwelogi kun pe twero lok. 23Ka kare me tice otum, ci odok i pacone.

24Ka kare okato manok, dakone Elicabet ogamo ic. Okane kwede pi dwe abic, kun waco ni, 25“Rwot otimo kitmeno ikoma, ikare ma onena ki kica, me kwanyo lewic woko ki ikoma ikin dano.”

Kitito pi nywalo Yecu

26Ka Elicabet dong iye oromo dwe abicel, Lubanga ooro lamalaika Gabriel i taun madit mo i Galilaya, ma nyinge Najaret, 275 bot nyako ma peya ongeyo laco, ma laco ma nyinge Yucepu otongo keny ikome. nyinge Maliam. 28Lamalaika obino bote, ci omote ni, “Itye ba, in ma kimiyi gum! Rwot tye kwedi!” 29Ento cwiny Maliam opoto pi lok man, obedo ka tamo telok me mot man. 30Lamalaika owace ni, “Pe ibed ki lworo, Maliam; pien ilimo cwak ki bot Lubanga. 316 Nen, ibiyac, ibinywalo latin laco, ibicako nyinge Yecu. 327 En bibedo dit, kibilwonge ni, Wod pa En Mamalo Twal; Rwot Lubanga bimiye komker pa kwarone Daudi. 33En biloyo jo me ot pa Yakobo matwal; kere pe bigik.”

34Maliam openyo lamalaika ni, “Lok man bibedo ningning, ma kun an pe ya angene ki laco?” 35Lamalaika odoke iye ni, “Cwiny Maleng bibino ikomi, ci tek pa En Mamalo Twal biumi macalo tipu; pimeno latin ma ibinywaloni kibilwonge Maleng, Wod pa Lubanga.”

36Nen, watti Elicabet dong oyac iwi tiyone, binywalo latin laco; en mayam kilwongo ni lalur kombedi dong tye ki ic me dwe abicel. 378 Pien pe tye gin mo maloyo Lubanga 38Maliam owaco ni, “Nen, an angeca pa Rwot; wek obed bota kit macalo iwaco.” Lacen lamalaika oa woko ki bote.

Maliam olimo Elicabet

39Ikare meno Maliam oa, ocito oyotoyot i lobo ma obedo godigodi i taun madit mo me Juda. 40Ci odonyo i ot pa Jakaria, omoto Elicabet. 41Ka Elicabet owinyo mot pa Maliam, ci latin otinge ki i iye. Elicabet opong ki Cwiny Maleng, 42ka odange ki dwon malongo ni, “Itye ki gum ikin mon, latin ma i ii bene tye ki gum! 43Lok man kono oa ki kwene, lutuwa, min Rwoda me bino bota! 44Pien nen, ma awinyo dwon me moti, latin ma i iya otinge ki yomcwiny. 45Itye ki gum, in ma iye, ni lok ma Rwot otito boti bicobbe kakare.”

Wer me pak pa Maliam

469

Maliam owaco ni,

“Kwona pako Rwot,

47cwinya yom ikom Lubanga ma Lalara,

48pien oneno an angecane ki cwak, an ma latice ma mwa.

Nen, nia tin yalwak me kare ducu gibilwonga ni lagumkom;

49pien Won Twer Ducu otima gin madit,

nyinge bene leng.

50En tye ki kica ikom yalwak me kare ducu,

ki ikom jo ducu ma gilwore.

51Otiyo tic matek ki bade,

olalo luwake i yub me cwinygi.

52Oreto luker ki iwi komkergi

omiyo dito bot jo ma rwomgi piny;

53jo ma kec nekogi omiyo guyeng ki gin maber,

oryemo lulonyo gudok cen ki cinggi nono.

54Okonyo latice Icrael,

opo pi timo kicane, 5510

kit macalo oloko bot kwariwa,

bot Abraim ki bot likwaye matwal.”

56Maliam orii bot Elicabet dwe adek,

ka lacen odok i pacone.

Kit ma kinywalo kwede Jon Labatija

57Ka kare me nywal pa Elicabet dong oromo, ci onywalo latin laco. 58Ka dano ducu ma bedo cok ingetgi ki wadine guwinyo ni Rwot onyutu kicane madwong ikome kuman, cwinygi obedo yom kacel kwede. 5911 Inino me aborone gubino ka liro latin. Gumito cako nyinge ki nying wone Jakaria, 60ento mine ogamo ni, “Pe kitmeno, kibilwonge ni Jon.” 61Gudoke iye ni, “Pe tye ngat mo ma nyinge calo meno ikin wadiwu ducu do.” 62Gugwelo wone me penye ni en mito cako nyinge anga? 63En openyo pi got coc, ci ocoyo ni, “Nyinge Jon.” Gin ducu guuru. 64Cutcut dog Jakaria oyabe, telebe ogonye, ci oloko kun pako Lubanga. 65Lworo omako dano ducu ma bedo cok ingetgi; lok meno ducu oywek i lobo Judaya ducu ma obedo gotgot. 66Dano ducu ma guwinyo gumako i cwinygi, kun giwaco ni, “Latin man kite bibedo ningning?” Pien cing Rwot tye kwede.

Lok ma Jakaria otito

67Wone Jakaria opong ki Cwiny Maleng, ci oloko lok me nebi ni,

68“Kipak Rwot Lubanga pa Icrael,

pien dong olimo jone, ci okokogi.

69Omiyo botwa Lalar matek i ot pa latice Daudi,

70macalo yam oloko ki i dog lunebine maleng ma gubedo nia con ki con,

71me larowa ki bot lukworwa,

ki i cing jo ducu ma kwerowa.

72Otimo kica bot kwariwa ka dok opo ikom gicikene maleng

73ma en aye kwong ma okwongo bot kwarowa Abraim,

74ni ebilarowa ki i cing lukworwa,

wek dong watii bote labongo lworo,

75kun wabedo leng,

dok kitwa atir inyime pi nino me kwowa ducu. 7612

In bene latin, kibilwongi ni lanebi pa Lubanga Mamalo Twal

pien ibitelo nyim Rwot pi yubu yone,

77kun imiyo ngec me lar bot roke,

lar mabino pi weko bal.

78Pi kica madwong pa Lubangawa, dero me rupiny bimenyowa kun a ki malo, 7913

me menyo jo ma bedo i piny macol ki i tipu me to,

ki me tiro tyenwa i yo me kuc.”

80Latin odongo, kun otegi matek ikom ki cwiny, obedo i tim nio inino ma kinyute iye bot jo Icrael.