Icaya 65

Pwod ma Lubanga keto ikom jo ma lujemo

11

Rwot owaco kuman ni, “Yam ayube pi gamo lega pa jona, ento gin gigi pe gulega. Ayube bene ni myero gunonga, ento pe gutemo yenya. Abedo kawaco ni, ‘An atye en, an atye en me konyi,’ bot rok ma onongo dong pe gilwongo nyinga. 22Abedo katango cinga dyeceng jwi bot jo ma gijemo woko ajema, jo ma woto i yo ma pe ber wa ki acel, kun gilubu gigi yubgi ken gi. 3Gubedo kangeto cwinya kare ki kare, kun gubedo katyero gitum bot jogi i poti, guwango odok ecetagu wa ikom keno tyer pa jogi; 4gubedo kabedo i lyelgu, i dyewor gibedo i kabedo mogo ma i mung; gibedo kacamo ringo opegogu, jami tedogi ducu onyobe woko ki pig ringo lee ma kikwero. 5Gin jo ma giwaco ni, ‘Bed kakeni kunu, pe ibin cok kweda, pien an dong kipoka woko pat kwedi pien an aleng.’ Jo magi calo yito ma duny i uma, gical ki mac ma pe to kadi ki acel.

6Nen, dong kityeko coyo lok inyima ni, ‘An pe abiling alinga, ento abiculu wange ikorgi kikome. Adada, abiculugi gire, 7pi timgi maracu kacel ki tim maracu pa kwarigi,’ man Rwot ma owaco pien gubedo kawango odok eceta iwi godi, dok gubedo kayeta bene iwi ceregu ducu; abimiyo botgi pwod ma pore ki balgi.”

8Rwot owaco kuman ni, “Kit macalo kongo bwino nonge ki i nyig olok, ci dano giwaco ni, ‘Pe ibal woko, pien gum tye iye,’ abitimo kitmeno pi lutica, pe abityekogi woko ducu. 9Abimiyo likwayo a ki ikom Yakobo, ki jo ma bileyo wi godi na a ki i Juda; jona ma ayero gibileyo lobona ma obedo godigodi bedo meggi, dong lutica gibibedo kunu. 103Caron ki Akor bidoko kama kikwayo iye romi ki dyangi pa jona ma gubedo ka yenya.

11Ento bibedo pat botwu wun jo ma dong wubwota, ma wiwu dong owil woko ikom got mera maleng, ma wuyubu meja pa jok wek omiwu gum, ma wupiko kongo ma kinyobo pong kikopo pi jok wek nyimwu obed leng. 12Abimiyo kinekowu woko ki pala lucwan, pien ikare mayam alwongowu wun wukwero gamo doga woko, ikare ma abedo kalok bene pe wuciko itwu ka winyo loka, ento wubedo katimo gin manen marac inyima, wuyero bene gin ma pe yomo cwinya. 13Pimeno omiyo an Rwot Lubanga awaco ni lutica bicamo cam, ento wun kec binekowu; lutica bimato pii, ento wun orwo pii binekowu matek; lutica gibibedo ki yomcwiny, ento wun kibimiyo lewic makowu; 14lutica gibiwer ki yomcwiny ento wun wubikok ki cwercwiny. 15Nyingwu bidong bot jona ma dong ayero wek gucen ki dano. An Rwot Lubanga kikoma aye ma binekowu; ento lutica dong abilwongogi ki nying mapat. 16Pimeno, kace ngat mo lamo gum i lobo, en bilamo gum ikome kene ki nyinga, dok ngat ma bikwongo kwong i lobo man, bikwongo ki nyinga. Pe dong kibipo ikom can mayam con ca.”

Polo manyen ki lobo manyen

174

Rwot dok owaco kuman ni, “Nen, dong acweyo polo manyen ki lobo manyen; pe dong kibipo pi jami macon, dok pe bene dano mo bitamo pirgi. 18Ento myero cwinywu obed yom kun wubedo ki yomcwiny nakanaka ikom jami magi ma aketogini; pien nen, Jerucalem ma manyen bibedo me yomcwiny, jone bene bibedo ki yomcwiny madwong. 195Abibedo ki yomcwiny pi Jerucalem, cwinya bibedo yom ikom jona; dwon mo me koko pe dok biwinye iye, kadi koko mo me can bene pe biwinye iye. 20Latin mo ma kinywalo ma rii pi kare manoknok keken bene pe bibedo tye iye, kadi ladit mo ma otii ma pe bicobo karene. Ngat ma bito ki mwaka miya acel kibikwano ni bulu, ngat ma bito ma mwakane pe biromo miya acel kibikwano ni en ngat ma kiceno. 21Dano gibigero odi ci gibedo i igi, gibipuru poto olokgi, ci gibicamo nyige bene. 22Pe gibigero odigi ci kiweko ngat mukene aye bedo iye, pe gibipuru poto olokgi ci kiweko ngat mukene aye ma dok camo nyige. Jona gibiri marom aroma ki yat. Jona ma an aye ayerogi gibilimo gum ikom tic me cinggi pi kare malac. 23Ngat mo ikin gi pe biyele ki tic nono, dok bene pe kibinywalo latin ci dok neno can; pien gin dong gibibedo lutino pa jo ma Rwot dong otyeko miyogi gum, kun gumgini bimako bene wa lutinogi. 24Ma peya gulwongo lwongo, an abigamo doggi, ma pud gitye kalok aloka, abiwinyo lokgi woko. 256Orudi ki latin romo gibicam kacel, labwor bicamo lum calo twon; twol bene bimoko apwa. Pe gibiketo ret ikom dano nyo kadi ki nek, iwi got mera maleng ducu.”