Icaya 6

Lubanga olwongo Icaya me bedo lanebi

11

I mwaka ma rwot Ujia oto iye2, aneno Rwot ma obedo iwi komkere, kun onyede malo, madit tutwal, ma dog bongone opongo i Ot pa Lubanga woko liweng. 2Lucerapi gucung malo ka wiye, ma lacerapi acel acel bwome tye abicel; aryo me umu wanggi, aryo me umu tyen gi, ki aryo mukene me tukgi malo. 33Onongo gitye kawer ma ngat acel acel gamo dog lawote ni,

“Rwot me mony leng, leng dok leng!

Lobo ducu opong ki deyone.” 44

Te guti me dogola ocako yenge pi wer ma guweroni, ki yito bene omwono i ot woko limuk. 5Ka dong awaco ni, “Aneno can dong ba! Ato woko do! Pien an dano ma lok ma a idoga pe leng, dok bene abedo ikin rok ma lok ma giloko pe leng, ento aneno Rwot ki wanga, ma en aye Rwot me mony.”

6Cutcut ngat acel ikin lucerapi otuk obino bota, kun omako lodi mac i cinge, ma en okwanyo ki i keno tyer, kun okaro ki lakar mac. 7En ogudu ki doga kun waco ni, “Nen, gin man ogudu del dogi; gin maracu ducu ma itimo dong kikwanyo, ki bali dong kiweko.” 8Cutcut awinyo dwon Rwot ma waco ni, “Abioro anga mono? Anga ma bicito pirwa?” Agamo ni, “An ene; ora.” 95Ka dong en owaca ni, “Cit iwac ki rok man ni,

‘Winyone mere wubiwinyo,

ento pe wubiniang teloke;

nenone wubineno,

ento pe wubingeyo gin matye katime.’

10Mii rok man gudok jo ma oding,

mii itgi bene oding woko,

wek pe gunen ki wanggi,

dok pe bene guwiny ki itgi,

pe bene guniang iye ki cwinygi,

wek omii pe guloke gudwog bota acanggi.”

11Ka dong apenyo ni, “Pi kare marom mene, ai Rwot?”

Ci en odoka iye ni,

“Nio wang ma taun madito magi ducu igi odong nono,

labongo dano mo ma bedo i igi,

jo mogo ma gibibedo i odi bene gibibedo peke,

nio wang ma lobo dong odong nono labongo gin mo kadi ki acel.

12Abicwalo dano woko cen kamabor,

ci wi obur ma kibwoto bidong madwong ata i lobo.

13Kadi bed acel me apar pa dano odong i lobo kenyo,

ci pud dok kibiwangogi woko aye,

calo kworo nyo opok,

ma ajute aye dong,

ma nongo dong kityeko tongo kom yat woko piny.”

Ajute aye bibedo kodi maleng.