Icaya 12

Wer me pwoyo Rwot

1Inino meno dano biwero ni,

“Abipwoyi, ai Rwot,

pien yam cwinyi owang ikoma,

kinigani dong okwe woko,

ka dong ikweyo cwinya. 21

Adada, Lubanga aye Lalara;

abigeno en, pe dok abibedo ki lworo;

pien Rwot Lubanga aye teka ki kerona,

abipake ki wer, pien en Lalara.

3Macalo pii maber miyo yomcwiny ki ngat ma orwo neko,

jo pa Lubanga bedo ki yomcwiny ka en olarogi.”

4Inino meno wubiwero wer ni,

“Wumii pwoc bot Rwot!

Wulwong nyinge wek en olarwu!

Wumii lurok gunge gin ma Rwot dong otiyo!

Wutit botgi kit ma en dit kwede!

5Wuwer wer me pako Rwot,

pien dong otiyo tice ki deyo madit tutwal;

wumii lok man ongene iwi lobo ducu.

6Wugo kijira, wuwer bene ki yomcwiny,

wun jo ma wubedo i Cion,

pien Ngat Maleng me Icrael dit ikinwu.”