Icaya 11

Ker me kuc

11

Yat manyen bilot kun tuc ki ikom ajut pa Yece, jange bituc ki ilwite ci dongo.

2Cwiny pa Rwot bibedo ikome,

en cwiny me ryeko ki me niang,

en cwiny me poro lok ki me bedo ki teko,

en cwiny me ngec ki me lworo Rwot.

3Cwinye bibedo yom ka lworo Rwot.

En pe bingolo kop pi gin ma en neno anena ki wange,

nyo kadi ki ngolo kop pi lok ma en winyo awinya ki ite; 42

ento en bingolo kop pa lucan atir,

dok bingolo kop atir pi jo mamwol me lobo.

En bipwodo jo maracu malube ki gin ma en bingolo,

en bineko jo maracu woko ki aluu me yweyo me doge. 53

Kit ma atir,

ki kite me genene aye bibedo del me tweyo pyere. 64

Orudi bibedo kacel ki latin romo,

kwac ki latin dyel bene gibibutu piny kacel,

roya ki labwor gibidongo kacel,

latin matidi aye ma bitelogi.

7Dyang ki nguu mager gibicam kacel,

lutinogi bene gibibutu piny kacel ki kuc.

Labwor bicamo lum calo dyang.

8Kadi latin ma pud dot twol pe bitongo,

ka otuku kama twol mager tye iye,

birwako cinge wa i ot twol ororo. 95

Tim mo marac me nek nyo me keto ret ikom dano,

pe binen iwi gota maleng,

pien lobo ducu bipong ki ngec pa Rwot,

macalo pii ma pong i nam.

Jo ma kiterogi i opii gibidwogo cen

106

Inino meno lakwar Yece bicung calo bendera ma rok mapol twero nenone; lurok ducu gibipenyo tam ki bote, kama en bedo iye bibedo kabedo me deyo.

11Inino meno Rwot dok bitic ki tekone me kwanyo jone ma gudong i Aciria, Ejipt, ki i Etiopia, i Elam, Cinar, Kamat, ki i dog nam. 12En bitingo benderane malo me nyutu bot rok ni en dong etye kacoko jone jo Icrael mayam kikeyogi woko atata; en bicoko jo Juda ma onongo yam guket woko ata, ci bicokogi ki itwok lobo angwen ducu. 13Nyeko pa Epraim ikom Juda bigik woko, ki jo Juda pe bibedo ki gero ikom Epraim; Epraim pe bibedo ki nyeko ikom Juda, ki jo Juda bene pe bibedo ki gero ikom Epraim. 14Gibimwome giringo piny ikor got pa jo Piliciti ki tung kupotoceng, gibiribe kacel giyako jo matye tung kunyango. Gibilweny ikom jo Edom ki Moab, jo Ammon bibedo ite locgi. 157Rwot bimiyo pii ma i jang nam me Ejipt two woko liweng, biyengo cinge iwi kulu Euprate, bigoyo miyo poke woko doko kulu abiro matinotino, ma ngat mo twero ngolo ki iye kun pii mo peke ma dyako ware. 16Yoo gudu ma a i Aciria dong bibedo tye, pi jone ma gudong, kit macalo yam otime kwede pi jo Icrael ikare ma gia ki i lobo Ejipt.