Jo Ibru 10:23

1Cik pa Moses gire tye iye tipu keken me jami mabeco me kare me anyim, ento pe ki kom jami ca kikome. Pi cik dano gibedo ka kelo gitum ma lakitgi acel nakanaka, mwaka ki mwaka; eno dong pe tye ki twero mo matwal me loko jo ma gibino bot Lubanga wek gudok jo mabeco muteggi. 2Ka nene tye kitmeno, kono gitum pe dong ogik woko? Kono jo ma woro Lubanga dong kilwoko balgi woko matwal, kono pe dok gimede me bedo ki kit ngec mo i cwinygi ni gin lubalo. 3Ento gitum magi bedo kapoyo wi dano ibalgi mwaka ki mwaka. 4Pien remo twoni ki remo dyegi pe twero kwanyo bal woko wa ki acel. 51 Pi lok man, ikare ma Kricito obino i lobo, en oloko ni,

“In giri pe i mito gitum kadi gityer,

ento iketo koma tye.

6Ii bene pe obedo yom pi gitum awanga

ki gitum ma kityero pi bal.

7Ka dong awaco ni, ‘An a ene, dong abino ka cobo mitini, in Lubanga,’

macalo yam kicoyo lok ikoma i buk adola.”

8Mukwongo en oloko ni, “In pe i mito gitum, kadi mot ma kityero, nyo gitum awanga ki gitum pi bal, cwinyi bene pe yom iye,” ma gin jami ma kityero pi cik. 9Ka dok oloko ni, “An a ene, dong abino ka cobo mitini.” Pimeno en ojwayo mukwongoneni woko wek dong ekel me aryone. 10Dong pi mitine meno, omiyo kilonyowa wadoko leng pi Yecu Kricito ma omiyo kome ma ka gitum kicel keken ma otyeko lok woko ducu, en gitum ma pe miteni myero dok kityer odoco. 112

Ajwaka pa Lubanga acel acel cung i dog tice nino ducu kun tyero kit gitum acelu kare ki kare ma pe tye ki twero mo matwal me kwanyo bal. 123 Ento Kricito yam otyero gitum acel keken pi bal, pi kare ducu, ka dong obedo piny inget Lubanga tung acuc i kabedo me deyo. 13Nia wa ikare ca en tye ka kuru kare ma kibimiyo lukwore doko kom laten tyene. 14Pien gitume acelu omiyo jo ma en olonyogi bedo leng gudoko jo mabeco atika matwal. 15Cwiny Maleng bene omiyo cadene botwa, pien ka dong oloko ni, 164

“Man aye gicike ma abiketo ki gin jona

ka kare meno oromo, man lok pa Rwot:

Abiketo cika ducu i cwinygi,

kun acoyo bedo itamgi.” 175

Ka dok omede kun loko ni,

“Pe dok abipo ikom balgi ki timgi maracu.”

18Kama weko bal tye iye, gitum mo pi bal dong pe mite.

Wanyiku cok ki Lubanga

19Pimeno, utmegina, wan dong watye ki yo me donyo i Kabedo Maleng ki tekcwiny pi remo pa Yecu. 20En oyabo botwa yo manyen, yo makwo, me donyo inge bongo kicika; yo meno aye obedo kom en. 21Kit macalo dong watye ki ajwaka madit ma loyo ot pa Lubanga, 226 myero dong wanyiko cok bot Lubanga ki cwiny me ada, kun niye bene dong odonyo matut i cwinywa, madong cwinywa leng, pien ngec me gin maracu mayam watimo dong kikwanyo woko, dok bene komwa dong kilwoko woko ki pii maleng. 23Wamoku matek liking igen ma watucu, labongo tage atata, pien ngat ma ocikowani lagen. 24Dok myero bene watamu kit macalo watwero tugu kwede cwinywa kekenwa me bedo i mar ki itiyo tic mabeco, 25kun pe waweko coke kacel, kit macalo jo mogo dong guloko odoko kitgini, ento myero wacuku cwinywa kekenwa, makatone kit macalo bene wuneno Nino maca dong tye ka nyiko cok ki.

26Pien ka watimo bal akaka madong nongo dong watyeko limo ngec ikom lok me ada, gitum mo peke dok ma odonge ma kityero pi balwa. 277 Odong kuru ngolo kop keken kun watye ki lworo madwong, ki mac mager ma bityeko dano ma gipyem ki Lubanga. 288 Dano ma pe lubu Cik pa Moses yam kineko woko aneka labongo kica mo, kace lok oloye inyim caden aryo nyo adek. 299 Dong wutamoni kibiketo can marom mene ikom ngat ma ocayo Wod pa Lubanga, dok ma opyedo remo me gicike pa Lubanga ma kilonye kwede me bedo malengi, dok ma ongalo Cwiny Maleng me kica pa Lubanga? 3010 Pien wan wangeyo ngat ma oloko ni, “An aye abiculu kwor, abiculu wange lacen,” dok ni, “Rwot bingolo kop ikom jone.” 31Bedo gin me lworo tutwal me poto i cing Lubanga makwo.

32Ento kong dong wupo ikare mukato, kit mayam wuciro kwede ayelayela mapol, kun wulwenyo ki lwak can madwong, ikare madong ceng pa Lubanga otyeko ryeny omenyowu. 33Kare mukene yam kiyetowu dok kiunuwu inyim lwak, kare mukene bene wuribe ki jo ma kitimogi kitmeno. 34Wubedo ki kica ikom mabuc dok onywako kwedgi ican ma yam omakogi pien nongo gudoko jo ma guye Kricito, dok bene cwinywu obedo yom kadi ka jo me giyako jamiwu, pien wun ki komwu onongo dong wungeyo ni wutye ki jami mukene mabeco makato magi i polo, dok ma rii nakanaka makato magi ma kiyakoni. 35Pimeno pe wubwot tek cwiny woko, pien ka wutye kwede ci wubilimo mot madit ma bino pire. 36Mite ni wubed kun wuciro te kare, wek omii wutii gin ma Lubanga mito, ci dong miyo wunongo gin mayam en ociko pire. 3711 Macalo yam en oloko ni,

“Odong kare manok mo,

ci ngat ma bino ca bibino woko oyotoyot,

dok en pe bigale.

38Dong danona ma kite atir bibedo kwo pi niye;

ento ka danoni odok gire woko cen,

ci cwinya pe bibedo yom ikome.”

39Ento wan pe watye ikin jo ma dok cen, ka girwenyo woko matwali; wan watye ikin jo ma gitye ki niye, ma en aye dong gwoko kwogi.