Kabakuk

Buk pa

KABAKUK

Lanyut wilok madito ma i buk man

Lok pa lanebi Kabakuk okati ikine ka mwaka miya abicel ki pyere aryo wiye abic nio kwede wa i miya abicel ki abicel ikare ma okato angec mapeya onongo kinywalo Yecu Kricito. Man obedo ikare me loc pa Manace rwot me Juda, wod pa Kejekia. Ikare meno jo Babilon onongo gin cogi oteka me wi lobo. Lanebi Kabakuk iye onongo pe yom pi tim aranyi pa jo Babilon ma onongo gin ger woko ata lataya. Man oweko lanebi Kabakuk openyo Rwot Lubanga ni, “Pingo in iling woko litik ma kun ineno kitye katyeko jo ma gin dok kitgi atir makato kit rok magi ma gin lutim aranyini?” 1:13. Rwot ogamo dog Lanebi ni, en ebitimo gin ma cwinye mito, ikarene kikome kun nongo jo ma kitgi atir bikwo pien gin lugen bot Lubanga. 2:4.

Buk man nyutu kamaleng ni kadi bed Lubanga leng ento en pud tiyo ki jo maracu me cobo mitine iwi lobo man, kun keto can ikom lwake.

Pol lok ma i buk man opongo ki lok me nebi pi bale pa piny ma bibino ikom jo maracu.

Buk man ogiko ki lega me wer me pwoyo ber pa Lubanga.

Buk man nen okani manok pien lanebi aye tye kajuku Lubanga ma ka Lubanga me juku lwake.

Lacim wilok madito ma i buk man

Nguru pa lanebi Kabakuk ikom Lubanga ki lagam pa Rwot

Can ikom jo ma kitgi pe atir

Lega pa Kabakuk