Acaki 6

Bal pa dano

11

Ikare ma dano gucako mede ki nya iwi lobo, ci gunywalo anyira. 2Awobe pa Lubanga guneno ni anyira pa dano gimunya mabeco, ci gucako yerogi me anyoma. 3Ci Rwot owaco ni, “Cwiny ma mere mamiyo kwo pe dong bibedo i dano nakanaka, pien en kom mamwa, piman kare me kwo ne pe bikato mwaka miya acel ki pyere aryo.” 42 Jo Nepil onongo gitye i lobo nicake ikare meno ocito kwede anyim, ma awobe pa Lubanga gunyomo anyira pa dano, ci gunywalo kwedgi lutino. Gin aye cogi gala, jo matego mukwongo i lobo, ma nyinggi ngene matek. 53

Rwot oneno ni tim aranyi pa dano odoko dit woko iwi lobo, dok tam ducu ma cwinygi lwodo kare ducu kemo bal keken. 6Omiyo Rwot ongut kun oparo mada gin ango ma oweko ecweyo dano i lobo. 7Ci Rwot owaco ni, “Abijwero dano mayam acweyoni woko ki iwi lobo, ki lee ki gin ma lak alaka ki winyo me polo, pien dong atyeko ngut pi cweyogi.” 8Ento Nua aye onongo yomo cwiny Rwot.

Nua opayo yeya

94

Man aye lok ma mako kom Nua. Nua yam obedo dano ma kite atir, ma peke ki bal mo ikin yalwake. Nua obedo kawot kacel ki Lubanga. 10Nua onongo tye ki awobene adek: Cem, Kam ki Yafeci.

11Ento tim cilo onongo obalo lobo woko inyim Lubanga, kun opong ki bwami. 12Lubanga oneno lobo, ci ada oneno obale woko ki tim cilo, pien dano ducu gubalo woko ki rac kitgi ma gikwo kwede iwi lobo. 13Ci Lubanga owaco ki Nua ni, “Dong amoko tama woko me kelo agiki pa dano ducu. Nen, abityekogi woko liweng, pien dong gupongo lobo woko ki tim bwamigi.” 14Yub yeya piri kun i payo ki ikom yat goper; ci iket kicika me poko i yeya, ka imwon iye ki ngeye ki odok. 15Ibiyubu yeya meno kit man: bore biromo mita miya acel ki pyere adek wiye adek, lac iye mita pyere aryo wiye aryo ki bore tung malo mita pyere adek. 16Tuc wang dirica i yeya, kun iweko dane malo dong puti acel ki nucu; ka iket dogola ibut yeya, ci ipok iye obed kabedo adek, ma pinye, me aryone ki me adeke ma malone. 17Pien nen, abicoro pii aluka madwong iwi lobo, wek otyek kom gin ducu matye ki kwo, ite polo, wek gin ducu matye iwi lobo oto woko. 18Ento in aye abimoko gicikena kwedi; ibidonyo i yeya, in kacel ki lutinoni, ki dakoni, ki mon woti ducu. 19Kwany gin makwo ducu ma gitye ki kom ki aryoaryo ki ikit kwayigi acel acel, ci ipikgi i yeya, wek gubed kwo kacel ki in; gubed ma co ki ma mon. 20Kwayi winyi ducu matye, wa ki lee ducu, wa ki gin ma lak alaka i ngom. Gin bibino boti ki aryoaryo ki ikit kwayigi acel acel wek gubed kwo. 21Dok iter kit kwayi cam ducu ma gicamo, ci i kan gi; wek gubed me acamagi bene. 225Nua otimo kumeno; ocobo ducu kit macalo Lubanga ocike.