Acaki 5

Likwayo pa Adam

(1 Tek 1:1-4)

11

Man aye buk me tekwaro pa Adam. (Ikare ma Lubanga ocweyo dano, en ocweyogi ikit cal mamere kikome. 22Yam ocweyo laco ki dako, omiyogi gum, ocako nyinggi ni “Dano” inino mayam ocweyogi iyeni.) 3Ka Adam dong otyeko rii mwaka miya acel ki pyere adek, en onywalo awobi ma cal ki en kikome, ci ocako nyinge Ceji. 4Mwaka pa Adam ma onongo dong otyeko nywalo Ceji romo miya aboro, dok omede ki nywalo awobe ki anyira bene. 5Kitmeno nino me kwo pa Adam ducu oromo mwaka miya abongwen ki pyere adek; ka dong oto.

6Ka Ceji dong otyeko rii mwaka miya acel ki abic, ci onywalo Enoci. 7Ceji orii inge nywalo Enoci mwaka miya aboro ki abiro, dok omede ki nywalo awobe ki anyira bene. 8Kitmeno nino me kwo pa Ceji ducu oromo mwaka miya abongwen ki apar wiye aryo; ka dong oto.

9Ka Enoci dong otyeko rii mwaka pyere abongwen, ci onywalo Kenan. 10Enoci orii inge nywalo Kenan mwaka miya aboro ki apar wiye abic, dok omede ki nywalo awobe ki anyira bene. 11Kitmeno nino me kwo pa Enoci ducu oromo mwaka miya abongwen ki abic; ka dong oto.

12Ka Kenan dong otyeko rii mwaka pyere abiro, ci onywalo Maalalel. 13Kenan orii inge nywalo Maalalel mwaka miya aboro ki pyere angwen, dok omede ki nywalo awobe ki anyira bene. 14Kitmeno nino me kwo pa Kenan ducu oromo mwaka miya abongwen ki apar; ka dong oto.

15Ka Maalalel dong otyeko rii mwaka pyere abicel wiye abic, ci onywalo Jared. 16Maalalel orii inge nywalo Jared mwaka miya aboro ki pyere adek, dok omede ki nywalo awobe ki anyira bene. 17Kitmeno nino me kwo pa Maalalel ducu oromo mwaka miya aboro ki pyere abongwen wiye abic; ka dong oto.

18Ka Jared dong otyeko rii mwaka miya acel ki pyere abicel wiye aryo, ci onywalo Enoka. 19Jared orii inge nywalo Enoka mwaka miya aboro, dok omede ki nywalo awobe ki anyira bene. 20Kitmeno nino me kwo pa Jared ducu oromo mwaka miya abongwen ki pyere abicel wiye aryo; ka dong oto.

21Ka Enoka dong otyeko rii mwaka pyere abicel wiye abic, ci onywalo Metucela. 22Enoka obedo kawot kacel ki Lubanga inge nywalo Metucela mwaka miya adek, dok omede ki nywalo awobe ki anyira bene. 23Kitmeno nino me kwo pa Enoka ducu oromo mwaka miya adek ki pyere abicel wiye abic. 243Enoka obedo kawot kacel ki Lubanga; ci orwenyo woko matwal, pien Lubanga otere woko.

25Ka Metucela dong otyeko rii mwaka miya acel ki pyere aboro wiye abiro, ci onywalo Lamek. 26Metucela orii inge nywalo Lamek mwaka miya abiro ki pyere aboro wiye aryo, dok omede ki nywalo awobe ki anyira bene. 27Kitmeno nino me kwo pa Metucela ducu oromo mwaka miya abongwen ki pyere abicel wiye abongwen; ka dong oto.

28Ka Lamek dong orii mwaka miya acel ki pyere aboro wiye aryo, ci onywalo wode, 29ma ocako nyinge Nua, kun waconi, “I lobo mayam Rwot ocenoni, latin man aye bimiyo waywe ki aroma tic me cingwa.” 30Lamek orii inge nywalo awobe mukene ki anyira bene. 31Kitmeno nino me kwo pa Lamek ducu oromo mwaka miya abiro ki pyere abiro wiye abiro; ka dong oto.

32Ka Nua otyeko romo mwaka me dite, miya abic, ci onywalo Cem, Kam ki Yafeci.