Acaki 36

Likwayo pa Ecau

(1 Tek 1:34-37)

1Man aye likwayo pa Ecau, en aye Edom. 21Ecau onyomo anyira Kanaan: Ada nya pa Elon Lakit, Okolibama nya pa Ana, wod pa Gibeon Lakiv, 32ki Bacemat nya pa Icmael, lamin Nebayot. 4Ada onywalo ki Ecau Elifaji; Bacemat onywalo Reuel; 5ki Okolibama onywalo Jeuc, Jalam ki Kora; meno aye lutino awobe ma kinywalo ki Ecau i lobo Kanaan.

6Ci Ecau otero mone ki lutino awobene ki anyirane, ki lwak jo ducu ma en tye kwede, ki lime, lee mere ducu ki lonyone ducu ma olimogi ki i lobo Kanaan, odak kwedgi i lobo mukene kun opoke ki omine Yakobo. 7Gin ducu onongo gitye ki lim madwong, ma pe dong romogi bedo kacel: pien lobo ma onongo gibedo iye pe romo me kwayo limgi. 8Omiyo Ecau odak obedo i lobo godi me Ceir; Ecau en aye Edom.

9Likwayo pa Ecau won jo Edom ma i lobo godi me Ceir gin ene. 10Man aye nying lutino awobe pa Ecau: Elifaji wod pa Ada ma, dako pa Ecau, ki Reuel wod pa Bacemat dako pa Ecau. 11Lutino awobe pa Elifaji gin Teman Omar, Jepo, Gatam ki Kenaj. 12Timna yam en dako pa Elifaji, wod pa Ecau, ma angeca; onywalo Amalek ki Elifaji. Man gin aye lutino awobe pa Ada, dako pa Ecau. 13Man gin aye lutino awobe pa Reuel: Nakat, Jera Cama ki Mija. Man aye lutino awobe pa Bacemat dako pa Ecau. 14Man aye lutino awobe pa Okolibama nya pa Ana wod pa Jibeon, dako pa Ecau; onywalo ki Ecau awobe magi: Jeuc, Jalam ki Kora.

15Magi aye kaka pa awobe pa Ecau. Elipaji latin kayo pa Ecau aye obedo kwaro pa kaka magi: Teman, Omar, Jepo, Kenaj: 16Kora, Gatam ki Amalek. Magi aye gubedo likwayo pa Ada. 17Reuel wod pa Ecau aye obedo kwaro pa kaka magi: Nakat, Jera rwot Cama ki Mija. Magi aye gubedo likwayo pa Bacemat, dako pa Ecau. 18Ecau aye kwaro pa kaka magi ducu ma onywalogi ki dakone Okolibama: Jeuc, Jalam ki Kora: meno gin aye likwayo pa Okolibama nya pa Ana, dako pa Ecau. 19Kaka magi ducu gua ikom Ecau, en aye Edom.

Likwayo pa Ceir

(1 Tek 1:38-42)

20Magi aye awobe pa Ceir Lakorit, ma gin wegi lobonu: Lotan, Cobal, Jibeon, Ana, 21Dicon, Ejer ki Dican; magi aye kaka pa jo Kori, lutino awobe pa Ceir ma i lobo Edom. 22Lutino awobe pa Lotan gin aye Kori ki Eman; ki lamin Lotan en Timna. 23Magi aye lutino awobe pa Cobal: Alvan, Manakat, Ebal, Cepo ki Onam. 24Magi aye lutino awobe pa Jibeon: Aiya, ki Ana; en aye Ana mayam onongo wang pii amuru matye i tim, ikare ma en tye ka kwayo lwak kana pa wone Jibeon. 25Magi aye lutino pa Ana: Dicon ki Okolibama, nya pa Ana. 26Magi aye lutino awobe pa Dicon: Kemdan, Eciban, Itran ki Keran. 27Magi aye lutino awobe pa Ejer: Bilan, Jaavan ki Akan. 28Magi aye lutino awobe pa Dican: Uj ki Aran. 29Magi aye kaka pa jo Kori: Lotan, Cobal, Jibeon, Ana, 30Dicon, Ejer ki Dican; meno aye kaka pa jo Koti, kit macalo kakagi tye kwede i lobo Ceir.

Luker pa jo Edom

(1 Tek 1:43-54)

31Magi aye luker ma guloyo lobo Edom, ma onongo pud peya rwot mo oloyo jo Icrael. 32Bela wod pa Beor onongo loyo Edom, nying gang kale kilwongo ni Dinkaba. 33Bela oto, ci Jobab wod pa Jera me Bojra oleyo katyene. 34Jobab oto, ci Kucam ma oa ki i lobo pa jo Teman oleyo katyene. 35Kucam oto, ci Adad wod pa Bedad oleyo katyene. En con olwenyo, oloyo jo Midian ma gitye i lobo Moab; nying gang kale kilwongo Avit. 36Adad oto ci Camla me Macireka oleyo katyene. 37Camla oto, ci Caul me Rekobot matye i dog nam Euprate oleyo katyene. 38Caul oto, ci Baal-kanan wod pa Akbor oleyo katyene. 39Baal-kanan wod pa Akbor oto, ci Kadar oleyo katyene; nying gang kale kilwongo Pau. Nying dakone Meketabel, nya pa Matred, nya pa Mejakab.

40Magi aye nying kaka ma tung bot Ecau, macalo dogolagi tye kwede, ki kabedogi, malubu nyinggi: Timna, Alva, Jetet, 41Okolibama. Ela ki Pinon, 42Kenaj, Teman, Mibjar, 43Magdiel ki Iram; magi aye kaka pa jo Edom, en aye Ecau, ma kwaro pa jo Edom, kit mayam gibedo kwede ikabedogi, i lobo ma odoko megi.