Acaki 22

Lubanga ociko Abraim pi tyero Icaka

11

Inino mo acel, Lubanga otemo Abraim kun wace ni, “Abraim!” En ogamo ni, “Ana ene.” 22 Ci owace ni, “Kwany wodi Icaka, en wodi acel keken, ma imaroni, wot kwede i lobo Moria, wek icit ityere kunu, obed gitum awanga ikom got mo ma abititi ka io kunu.” 3Kitmeno Abraim opuk odiko con, otongo yen me wango gitum, otweyo te ne iwi kanane, okwanyo lutice aryo, me cito kwedgi, kacel ki wode Icaka; ci gua gukemo yo me cito ikabedo ma Rwot otiteni. 4Inino me adeke, Abraim oneno kabedo meno ki kamabor. 5Ka dong Abraim owaco bot awobe aryo ma tiyo boteni ni, “Wun wubed kong kany kacel ki kana; an ki latini wabicito anyim loka ca ka woro Lubanga, ka dok wabidwogo botwu.” 6Ci Abraim otingo yen me lawang gitum, ocibo iwi wode Icaka; en omako mac ki pala i cinge, ka gucako wot kacel. 7Icaka owaco bot wone Abraim ni, “Wora!” En ogamo ni, “An a ene, woda.” Ci owace ni, “Nen ba, watye ki mac ki yen, ento romo me gitum kono tye kwene?” 8Abraim odoke iye ni, latina, “Lubanga kikome aye bimiyo romo me gitume.” Kitmeno, gumede gigi kacel ki wotgi. 93

Ikare ma guo ikabedo ma Lubanga yam otite, ci Abraim oteno keno tyer, ka ocano yen iwiye, otweyo wode Icaka, ci opyele obutu iwi yen ma iwi keno. 10Ci Abraim ocwalo cinge, okwanyo pala me neko wode. 11Ci cutcut Lamalaika pa Rwot olwonge ki i polo, kun wace ni, “Abraim! Abraim!” En ogamo ni, “An a ene.” 12Ci owace ni, “Pe iket cingi ikom latinu, pe itim gin mo ikome bene; dong tin atyeko niang atir ni ilworo Lubanga, pien pe itwona wodi, kadi bed en obedo wodi acel keken, nen imiya.” 13Abraim oloke, oilo wange malo, ci oneno nyok romo mo tye ingeye ma tunge omoko i agaba; Abraim ocito okelo nyok romonu, ci otyero me bedo gitum awanga me ka wode. 14Abraim ocako nying kabedo meno ni, Rwot aye bimiyo; man odoko labol ma kiwaco nio wa onyo ni, “Iwi got pa Rwot, en aye bimiyo.”

15Dok lamalaika pa Rwot olwongo Abraim nia ki i polo tyen me aryone kun wace ni, 164“Tin Dong akwonge ki nyinga kekena ni, pi tim man, ma pe itwona wodi, ma kun en wodi acel keken, 175abimiyi gum adada; abimiyo likwayi ginya mapol macalo lwak lakalatwe me polo, marom ki kweyo ma i dog nam. Dok likwayi aye gibibedo luloc i gang pa lumerokgi; 186rok ducu ma i lobo gibilimo gumgi ki ikom likwayi, pien ityeko woro doga.” 19Lacen Abraim odok cen bot lutice, ka gua ki kunu, gudok kacel kwedgi wa i Beer-ceba; Abraim obedo i Beer-ceba.

Likwayo pa Nakor

20I nge lok meno ducu, gitero lok bot Abraim ni, “Nen, Milka otyeko nywalo lutino ki omeru Nakor: 21latin kayone Uj, ki Buj omine, Kemuel won Aram, 22Keced, Kajo, Pildac, Jidlap, ki Becweri.” 23Becweri onywalo Labeka. Milka onywalo Lutino aboro ki Nakor omin Abraim. 24Dakone ma angeca, ma nyinge Reuma, onywalo bene Teba, Gakam, Takac ki Maaka.