Acaki 17

Lanyut me gicike aye lire

1Ikare ma Abram onongo tye ki mwaka me dite pyere abongwen wiye abongwen ci Rwot onen bot Abram kun wace ni, “An Lubanga Matwero ducu, bed inyima labongo bal mo, 2ci abiketo gicikena ikin an ki in, dok abimiyi likwayo ma mapol tutwal.” 3Ci Abram oryebe piny inyime; ci Lubanga owace ni, 4“Nen, amini gicikena eno, in i bibedo kwaro rok mapol. 51Nia tin nyingi pe dok bibedo Abram2, ento nyingi bibedo Abraim,3 pien aketo in wek ibed kwaro rok mapol. 6Abimiyi inya tutwal; abimiyi idoko rok mapol, ki luker bene gibia ki ikomi. 74Dok abimoko gicikena ikin an ki in ki likwayi ma bilubi, ki i yalwakgi ducu, me bedo gicike ma bedo matwal, wek abed Lubangani, ki Lubanga pa likwayi ma bilubi bene. 85 Dok abimiyo boti ki bot likwayi ma bilubi lobo man ma itye iye calo weloni, en aye lobo ducu me Kanaan, wek obed mewu matwal; dok an aye abibedo Lubangagi.”

9Ka Lubanga dok owaco bot Abraim ni, “Ki tung boti, in ibigwoko gicikena, in ki likwayi ducu ma bilubi, ki yalwakgi ducu. 106Man aye gicikena, ma wubigwoko, ikin an ki in ki likwayi ma bilubi: kibiliro lutino awobe ducu ma ikinwu. 11Wubiliro del kom nyimwu me co woko, wek obed gin ma nyutu gicikena ikin an ki wun. 12Latin laco ma oromo nino aboro nicake inino ma kinywale iye kibiliro del kom nyime woko; co ducu kibilirogi i yalwak ki yalwakgi ducu, nia ikom lutino opii ma kinywalogi i pacowu, nio ikom lutino ma wuwilo awila ki limwu ki bot lurok bene, ma pe wunywalogi anywala. 13Gin ducu ma kinywalogi i pacowu, ki ma kiwilogi awila ki limwu, ducu kibilirogi, wek gicikena obed i del kom nyimwu, wek obed gicike ma bedo matwal. 14Ka laco mo onen ma pe giliro del kom nyime me co, ci pe kibikwane ikin dano ma an ayero me bedo danona, pien nongo oturu gicikena.”

15Ka Lubanga dok owaco ki Abraim ni, “Ma dok ikom Carai dakoni, pe dok kibilwongo nyinge ni Carai, ento nyinge dong bibedo Cara7. 16Abimiye gum, dok makato ducu abimiyo en nywali latin laco; abimiye gum, en bibedo min rok mapol, ki luker mapol gibia ki ikome.” 17Ci Abraim opoto piny aryeba ic ki nyero, kun tamo gire kekene ni, “Dano ma dite dong romo mwaka miya kulu aye dok binywalo latin? Ki Cara bene ma dite dong romo mwaka pyere abongwen kulu dok binywalo latin?” 18Ci Abraim owaco bot Lubanga ni, “Pingo pe dong iwek Icmael aye obed laleyona!” 19Lubanga owace ni, “Pe gire, ento dakoni Cara aye binywali latin laco, dok ibicako nyinge Icaka, dok abimoko gicikena kwede wek obed gicike ma bedo matwal bot likwaye ducu ma bilube. 20Ma dok ikom Icmael bene, atyeko winyo in, ci nen, abimiye gum, abimiyo en binywal dok nya mapol tutwal; en bibedo kwaro luker apar wiye aryo, abimiye bedo rok madit. 21Ento abimoko gicikena ki Icaka, latin ma Cara aye binywali ikare macalo man i mwaka ma bino.”

22Ka Lubanga dong otyeko lok ki Abraim, ci oa woko ki bote, odok malo. 23Abraim otero Icmael ki lwak opii ducu ma kinywalogi i ode, nyo ma ki wilogi ki lim, co ducu ma gitye ikin lutino ma i ot pa Abraim, ci oliro del kom nyimgi me co woko inino meno kikome, kit macalo Lubanga ocike kwede. 24Ka Abraim onongo tye ki mwaka me dite pyere abongwen wiye abongwen en aye kicako liro iye del kome me co. 25Ki wode Icmael onongo dong tye ki mwaka me dite apar wiye adek ka kicako liro del kome me co. 26Inino meno kikome en aye Abraim ki wode Icmael kiliro iye del komgi me co, 27kacel ki jo ducu ma gitye i ode, lutino opii ma kinywalo i ode, ki jo ma kiwilogi ki lim ki bot lurok; gin bene kilirogi kacel kwede.