Jo Epeco 4:2

Wubed kom acel

1Pimeno, an ma abedo lamabuc pi Rwot alegowu ni wulub kit kwo ma myero, ma rwate ki lwongo mayam kilwongowu kwede. 21 Wuwor jo mukene, wubed mwol, dok wubed jo ma ciro gin ducu ma balo cwiny dano, kun ngat acel acel diyo cwinye ikom lawote ki mar. 3Wuket tek me gwoko ribe ma Cwiny Maleng omiyowu wek wubed acel i twec me kuc. 4Kom tye acel, Cwiny Maleng bene tye acel, kit macalo gen bene tye acel ma Lubanga olwongowu iye. 5Rwot tye acel, niye acel, batija acel. 6Lubanga bene tye acel ma en aye Won dano ducu. En loyo jo ducu, tiyo i jo ducu, dok bene tye i jo ducu.

7Ngat acel acel ikinwa olimo mot me kica, ma opore ki mot ma Kricito omiye. 82 En ma omiyo yam ginacoya owaco ni,

“Ka ceng en oito malo,

ci en otero opii mapol ma en omako ilweny,

ci omiyo mot bene bot dano.”

9Teloke ango ni “En oito malo”? Teloke ni en kong okwongo lor piny. 10Ngat ma olor piny en acelu bene aye oito malo kamabor inge polo ducu, wek tye ne onyute i jami ducu. 11En aye omiyo mot bot dano; en omiyo jo mogo me bedo lukwena, jo mukene me bedo lunebi, jo mukene gubed lutit lok me Kwena Maber, jo mukene lukwat ki lupwony. 12Ticgi obedo me yubu jo pa Lubanga ki ticgi bene me konyo dano, dok me dongo kom Kricito. 13En otimo man wek wan ducu wadok acel iniyewa ki ingeyo Wod pa Lubanga, nio ka wadoko dano mucwiny, ma wategi macalo Kricito. 14Pimeno pe dok omyero wabedu calo lutino ma giweko yamo me pwony mapatpat wirogi dwokogi tungi ki tungi; ryeko pa dano, ki lok ma kiporo me goba, pe dok bimiyo wacabe acaba. 15Ma ka meno, omyero walok lok ada ki mar, wek wamede, kun wategi ikit yo ducu nio bot Kricito, ma en aye lawiwa. 163 En aye wic, dul kom ducu guribe woko ikome, dok gukube kacel iwang mwot ducu matye iye. Ka dul acel acel tye katiyo tice kakare, miyo kom dongo maber imar.

Kwo manyen i Kricito

17En ma omiyo awaco lok man botwu kun acikowu i Rwot ni, pe omyero pud dok wubed ikit ma Lurok gibedo kwede, itamgi ma konye pekeni. 18Tamgi dong onyobe woko, pe dong gitwero niang gin mo, dok bene pe gitwero nywako i kwo ma Lubanga miyo, pi kwiya piny ma obino botgi ki cwinygi ma odingi. 19Gin pe dong giparo gin mo, oweko dong gumine ken gi i tim me tarwang, dok bene giwor matek itimo lwak tim carocaro mapol ata labongo lewic. 20Ento lok ikom Kricito yam pe kipwonyowu kitmeno! 21I lok ada wun jo ma lubu en, nene wuwinyo lok ikome, dok bene kipwonyowu ki lok ada matye i Yecu. 224 Kit kwowu macon mayam wubedo kwede ca, kombedi omyero dong wuwek obedi, en kit kwo maca dong obale woko pi miti maracu ma obwolowu. 23Wuwek Lubanga dong oroc tam me cwinywu odok manyen, 245 ka dong wuruk kit pa dano manyen ma kiketo ical pa Lubanga kikome i ada me kit ma atir ki kit maleng. 256

Pimeno, wuwek goba obedi; dano acel acel omyero olok lok ada bot dano lawote, pien wan watye macalo dul kom luwotwa. 267 Ka kiniga omakowu, pe wupot i bal; ceng pe omyero opoti ma nongo pud wujul kun wutye ki kiniga i cwinywu, 27dok bene pe wumii kare ki Catan. 28Dano mayam bedo kakwalo jami pa jo mukene omyero dong owek kwo obedi; omyero en ocak tiyo tic maber ki cinge, wek onong gin ma omyero opok ki jo ma meggi peke. 29Lok mo marac omyero pe okati ki idogwu; wulok lok mabeco keken ma dongo tam pa dano i yo mamite, wek jo ma winyo lokwu gunong kony ki iye. 30Pe wumii Cwiny pa Lubanga okum, en Cwiny ma kimiyowu me bedo lanen ma kimwono woko dong ikomwu pi kuru nino ma kibikokowu iye. 31Wuwek dong kec cwiny ducu, ki wang ic ki kiniga, daa iwi dano mukene, yet, kacel ki rac cwiny ducu. 328 Wubed jo ma lukica ki cwiny maber; dano acel acel omyero otim ber bot lawote. Wutim kica ikinwu kekenwu ki luwotwu ikom balwu, macalo Lubanga otimowu kica ki i Kricito.