Tic Pa Lukwena 1

Yecu ociko pi bino pa Cwiny Maleng

11

Ladit Teopilo, I buk mukwongo acoyo iye lok ducu mayam Yecu ocako tiyo ki pwonyone, 2nio kwede wa inino ma kitere kwede woko ipolo. Ma peya kitinge malo en omiyo cik ki tek pa Cwiny Maleng bot lukwenane mayam oyerogi. 3Pi nino pyere angwen en kong obedo ka nen botgi tyen mapol pi moko ni etye makwo ki inge tone. Gin gunene kun en opwonyogi ki lok ikom ker pa Lubanga. 42 Ikare ma en obedo kwedgi, ci ocikogi ni pe gua ki i Jerucalem, ento gukur gin ma Lubanga Won ociko pire, kun waco botgi ni: “Man aye gin macon wuwinyo ki botani. 53 Jon yam batija dano ki pii, ento odong nino manok mo ma wun kibibatijawu ki Cwiny Maleng.”

Kitingo Yecu kitero malo i polo

(Mar 16:19-20; Luk 24:50-53)

6Ka lukwenane gucoke kacel, ci gupenye ni, “Rwot, ikare man en aye ibidwoko iye ker bot jo Icrael bo?” 7Ci Yecu ogamo ni, “Pe wun aye myero wunge kare wa ki nino mayam Lubanga Won omoko ite twer mere. 84 Ento wun wubilimo tek ka Cwiny Maleng bibino ikomwu, ci wubibedo lucadena i Jerucalem, i Judaya ducu ki i Camaria, nio wa i agiki lobo ducu.” 95 Ka dong otyeko loko lok meno, ci kitinge kitere malo i polo, ma gin bene gineno, ci pol ogame woko ki inyimgi. 10Ka onongo pud guciko wanggi malo i kore ma kun en cito, ci nen, jo aryo gucung ka ngetgi ma guruku kanyi mata. 11Ci guwaco botgi ni, “Wun Lugalilaya, pingo wucung wuneno malo ipolo? Yecu man ma dong kitingo malo ki botwu kitere malo ipolo, bidwogo doki kit macalo wuneno kitere kwede ipoloni.”

Lale katyen Juda

12Ka dong lukwena gucako dok i Jerucalem ki iwi got Jeituni, ma coke ki Jerucalem, rom ki wot me ceng Cabit. 6 137 Ka gudonyo i taun madit ci gucito i kicika malo, kama yam gibedo iyenu. Gin aye Petero ki Jon ki Yakobo ki Anderiya, Pilipo ki Tomaci, Bartolomayo ki Matayo, Yakobo wod pa Alipayo, Cimon mayam obedo ikin jo ma gimito locken, ki Juda wod pa Yakobo. 14Gin ducu gumiine kalega ki cwiny acel, kacel ki mon ki Maliam min Yecu ki omegine.

15Ikare meno Petero ocung ikin lwak utmego ma giromo miya acel ki pyere aryo kun waco ni, 16“Utmego, lok magi kicoyo i ginacoya myero ocobe kakare, macalo yam Cwiny Maleng oloko ki i dog Daudi ikom Juda ma otelo wi jo ma gumako Yecu ca. 17Pien yam kikwano en ikinwa, en bene obedo i dog tic man. 188 (Dano meno owilo poto ki lim ma onongo pi tim aranyine, ka opoto aryeba cwiny ci iye otyer obar woko, cin iye owuke woko ducu. 19Lok man ongene bot jo ducu ma gibedo i Jerucalem, ci poto meno kilwongo ki i lebgi ni Akeldama, ma teloke ni, Poto me Remo.” ) 209

Ci Petero omedo loke kun waco ni, “Loke kicoyo i buk me Jabuli ni,

‘Wek kabedone obake woko,

wek ngat mo pe obed iye.’

Dok kicoyo ni,

‘Dog tice myero ngat mukene oter.’”

21“Piman myero kiyer dano man ki ikin jo ma gubedo kwedwa ikare ducu ma Rwot Yecu obedo kawire ikinwa. 2210 Nicake wa ikom batija pa Jon nio wa onyo madong kitinge kwede malo ki ikinwa; wek ngat acel ikin jo man kikwane kwedwa me bedo lacaden me cer mere.” 23Ci gukelo dano aryo. Yucepu ma kilwongo Barcaba ma nyinge mukene Yucito, ki Matiya. 24Ka gucako lega kun giwaco ni, “Rwot ma ingeyo cwiny dano ducu, nyut botwa ikin jo man aryoni ngat ma in dong iyero, 25me leyo kabedo me tic man me tero kwena, mayam Juda oweko oloke ci odok cen, en odok gire i kabedone.” 26Ka gubolo kwir pirgi, ci kwir opoto ikom Matiya, ci kiketo en, ka gumede ikom wel lukwena apar wiye aceli.