2 Temceo

Waraga me aryo ma Paulo ocoyo bot

TEMCEO

Lanyut wilok madito ma i buk man

Waraga me aryo ma Paulo ocoyo bot Temceo, opong ki tam amiya bot Temceo macalo latic lawote dok lawange bene. Lok ma pire tek kany en aye lok me diyo cwiny. Paulo ocoyo waraga man me cuko cwiny Temceo me mede ki miyo cadene ikom Rwotwa Yecu Kricito. Paulo olego Temceo me mako liking pwony me ada me Kwena Maber ki pwony ducu ma a ki igin acoya.

Ocuku bene cwiny Temceo me mako dog tice macalo lapwony makwiri kadi bed ayelayela tye dok jo mukene tye kakwero tektek Kwena Maber ma mako kom Yecu Kricito.

Paulo olego Temceo pe me rwako wiye i pyem ki laro lok ma pe konyo niye, pien balo niye pa dano abala.

Me agiki ne Paulo olego Temceo me neno lanyut maber ki bote. Gin aye bedo ki mar, diyo cwiny, ciro can ki kit ayelayela ducu ma bino ikom latic pa Lubanga ma cwinye leng dok tiyo maber.

Lacim wilok madito ma i buk man

Mot bot Temceo

Paulo opwoyo niye pa Temceo ki ocuku cwinye

Miyo tam ki ciko Temceo

Gin ma Paulo owok ki iye

Mot me agiki