2 Jo Tecalonika

Waraga me aryo ma Paulo ocoyo bot

JO TECALONIKA

Lanyut wilok madito ma i buk man

Anyobanyoba ma ocake i lok ma mako dwogo pa Kricito i lobo okelo ayela madit i kanica ma i Tecalonika. Dong waraga me Aryo Ma Paulo ocoyo bot jo Tecalonika mako kom lok malube ki lok man ni: nino dwogo pa Rwot dong oromo woko. Paulo ocoyo waraga man me tiro lok man, kun tito kore ki kore kit ma Kricito bidwogo kwede, kun nyutu ni, bal ki tim aranyi kong bibedo ka time i yo ma lamal ite loc pa ngat mukane ma kilwongo ni “Latim bal” 2:3, kun bene nongo telo wi lujemo ikom Kricito.

Paulo bene nwoyo tito matek ni dano omyero gubed ma gutegi i niyegi kadi bed ayelayela ki can bibino ikwogi, dok bene ni gumede ki tic pien kwo myero omede anyim kit macalo Paulo ki luwote bene gitiyo ki cinggi, kun bene gimede ki tic mabeco i yo ducu.

Lacim wilok madito ma i buk man

Lanyut

Pak ki pwoc

Lok mamako dwogo pa Kricito

Kit ma Lukricitayo kwo kwede

Ladol lok