2 Tekwaro 7

Kwero Ot pa Lubanga pi tic maleng

(1 Luk 8:62-66)

11

Ka Solomon dong otyeko legane, ci mac obino piny ma oa ki i polo, owango gitum awanga ki gitum mukene ducu, ci deyo pa Rwot opongo i Ot pa Lubanga woko limuk. 2Ma omiyo ajwaki pa Rwot dong pe gitwero donyo i Ot pa Rwot Lubanga, pien deyo pa Rwot nongo opongo i Ot pa Rwot woko. 32Ka jo Icrael ducu guneno mac obino piny, ki deyo pa Rwot oboyo kom Ot pa Lubanga woko, ci gukulu wigi piny aryeba ic idyekal ma kipeto iye godi, ci gumiyo woro ki pak bot! Rwot, kun giwaco ni,

“Rwot en ber,

pien mar mere ma pe loke bedo nakanaka.”

4Ka dok Solomon ki jo Icrael ducu gucako tyero gitum inyim Rwot. 5Ci Solomon i ceng meno otyero gityer maromo twoni dyangi alip pyere aryo wiye aryo, ki romi alip miya acel ki pyere aryo. Ci rwot ki jo Icrael ducu gukwero Ot pa Lubanga kitmeno. 6Ajwaki gucung i kabedogi, kacel ki Lulevi ma gumako jami me wer meggi me pako Rwot, kit mayam rwot Daudi oyubu pi miyo pwoc bot Rwot, kun giwero ni, “Pien mar mere ma pe loke bedo nakanaka!” Meno time ikare ducu mayam Daudi pako iye Lubanga, kun gin gitiyo ki jami wergi. Ki jo ma gucung ma gukemogi gin aye obedo ajwaki ma gikutu tum, kun nongo jo Icrael ducu gucung mot.

7Solomon dok ocako kwero kabedo ma i cwiny dyekal matye inyim Ot pa Rwot. En otyero kunu gitum awanga, ki moo dwologu me gityer lakwecwiny, pien keno tyer me mola ma Solomon otiyoni onongo tidi tutwal, ma pe romo keto iye gitum awanga kacel ki gityer me moko kwon ki dwologu.

8Ikare meno Solomon okwero nino madito meno pi nino abiro kulu, kacel ki jo Icrael ducu. Onongo lwak gucoke madwong, kun gua wa i yoo ma donyo i Kamat nio wa i nota ora me Ejipt. 9Inino me aborone gubedo ki coke madit; pien gubedo ki lega me kwero keno tyer nino abiro kulu, ki nino madito mukene bene nino abiro. 10Ikom nino dwe pyere aryo wiye adek i dwe me abiro en aye Solomon ocwalo lwak gudok kwede woko tugi. Lwak gudok i pacogi ki yomcwiny madwong, ma igi okwe pi gin ducu mabeco ma Rwot Lubanga otimo pi Daudi ki pi Solomon ki pi lwake jo Icrael.

Rwot onyute bot Solomon tyen me aryone

(1 Luk 9:1-9)

11Ci Solomon otyeko gero Ot pa Rwot Lubangane ki ot ma mege bene; ki tic ducu mayam en oyubu me atiya i Ot pa Rwot ki ma i ode en bene ocobo maber tutwal. 12Ci Rwot onen bot Solomon i dyewor meno kun wace ni, “Atyeko winyo legani, dong atyeko yero kabedo man wek obed mera me bedo Ot kama kibityero iye gitum bota. 13Kace acego polo woko ma kot pe dong cwer, nyo kace aciko ni bonyo ocam cam ma i lobo otyek woko, nyo kace acwalo two gemo opoto ikom lwaka, 14kace lwaka ma ki lwongogi ki nyingani gumwole woko, ce gulega ma kun giyenyo wanga an kikoma, ka dok guweko bene kit timgi maracu, ci dong abiwinyogi ki i polo, ci abikwanyo gin matye kabalo lobogi woko ni, ki dok abiweko balgi bene. 15Cake tin wanga bibedo twolo, dok abiciko ita kawinyo lega ma kibilego i kabedo man. 16Pien tin an dong atyeko yero ot man, dok bene atyeko lonyone odoko maleng, wek nyinga obed iye matwal; dok wanga ki cwinya bikemo kunu matwal! 17Ki lok ma tung boti ene, kace ibibedo ki kit kwo inyima mayam woru Daudi obedo kwede ni, ce ka ibitiyo gin ma aciko ducu, kun igwoko cika ma aketo, ki gin ma dong angolo, 183ci an Lubangani abimoko komkeri bibedo me loyo Icrael matwal. Ki kit jami ducu mayam aciko bot woru Daudi kun awace ni, ‘Pe ibibedo labongo danoni mo ma biloyo jo Icrael.’

19Ento kace wungak woko, ma kun wubwoto lubu cika ki mako lok ma aciko ma aketogi inyimwu, ce dok wukobo woko bene katiyo bot lubanga mogo mukenegu kun wuworogi, 20ci miyo abiputuwu woko ki i lobo mayam amiyowuni; dok abikwanyo wanga woko, ma pe dok abineno kom Ot man ma atyeko lonyo odoko maleng pi nyingani; ci miyo nying Icrael bidoko carolok ki lok aboka ikin lurok ducu.

21Jo ducu ma bikato ki kanget Ot man madit tutwali gibiuru ki dok bene gibijwat kun giwaco ni; ‘Kit lok ango ma omiyo Rwot otimo loboni ki Ot man ki kit tim macalo man?’ 22Ka dok gibiwaco ni, ‘Pien gubwoto woro Rwot Lubanga pa kwarigi woko mayam okwanyogi ki i lobo Ejipt, ci gukobo bot lubanga mogogu mukene, dok gubedo kaworogi kun gitiyo botgi bene; en aye lok ma omiyo Rwot omiyo can man opoto ikomgi magwar kit man.’”