1 Jo Korint 13:4

Mar

1Kadi aloko leb pa dano ki pa lumalaika, ka pe atye ki mar, abedo calo olang ma kok, gara ma woo awoya. 21 Ka atye ki mot me tito lok pa Lubanga macalo lanebi, ma aniang i mung ducu, dok bene nongo atye ki ngec ducu, ma atye bene ki niye ducu, ma atwero bene kobo kwede godi madongo gu woko kamukene, ce pe atye ki mar, ci pe a gin mo. 3Ka apoko jami ducu ma atye kwede, ma bene amiyo koma ni kiwang woko ki mac, ento ka pe atye ki mar, ci pe konya ki gin mo.

4Ngat matye ki mar diyo cwinye, dok lakica bene; pe lanyeko, pe wake; 5pe nyate, pe tiyo gin ma pe myero, pe yenyo gin mukemo en kene; pe bedo ki kec cwiny, pe bedo kun keto cwinye ikom gin marac ma kitimo ikome; 6cwinye pe bedo yom ikom tim ma pe atir, ento cwinye bedo yom ilok ada. 7Ngat matye ki mar diyo cwinye ikom jami ducu, ye lok ducu, dok bedo ki gen ikare ducu, keto tek bene me ciro jami ducu.

8Mar pe gik; ento lok me nebi bitum woko; kadi dumu leb bene bigik woko; kadi ngec bene bitum woko, 9pien wan wangeyo dul mogo manoknok keken, dok bene watito lok me nebi i dul mogo manoknok keken; 10ento ka gin ma pe orem bibino, ci gin ma orem bigik woko. 11Ikare ma pud an latin, onongo aloko lok calo latin, aparo jami ducu calo latin; ento kombedi madong ategini, dong abwoto kit me tino woko. 12Gin ma watye kaneno kombedi obedo calo cal manen yiriyiri ikio; ento ikare ma bino anyim ca wabinene wang ki wang. Kombedi angeyo dul mo manok keken, ento inino ma bibino anyim ca abibedo ki ngec ducu liweng, kit macalo Lubanga tye ki ngec ducu ikomani. 13Dong tye gin adek ma gibedo matwal: niye, gen, ki mar; ento gin ma pire dit ma katogi ducu en aye mar.