1 Jo Korint 10

Woro Jogi kelo can

11

Utmegina, amito wunge ni, kwarowa ducu yam gubedo ite pol, gin ducu guwok ki i dye nam, 22 gin ducu bene yam kibatijagi i ipol ki i nam, wek dong gubed jo pa Moses. 3Gin ducu yam gucamo cam acel me cwiny, 43 gin ducu bene gumato ginamata acel me cwiny. Pien gumato pii ma oa ki ikom got me cwiny ma owoto kacel kwedgi, got meno yam en Kricito. 54 Kadi bed kumeno, Lubanga pe opwoyo pol jo mogo ma ikin gi; pimeno Lubanga oweko guto gutum woko liweng i tim. 65

Lok meno ducu odoko labol botwa, ma cikowa ni pe myero wabed ka paro tiyo gin maracu kit ma gin yam guparo me tiyone. 76 Pe wawor jogi kit macalo jo mogo ikin gi gutimo. Kit mayam kicoyo ni, “Lwak gubedo piny gucamo ka gumato, ci gua malo ka myel.” 87 Wan pe myero wadonyu i timo tim kwele, macalo jo mogo ikin gi yam gutimo, ci jo alip pyeraryo wiye adek guto woko ducu inino acel. 98 Pe waomu cwiny Rwot, macalo jo mogo ikin gi yam guomo cwinye, ci omiyo twol onekogi woko. 109 Pe wabedo ka nguru, macalo jo mogo ikin gi yam gunguru kwede, ci omiyo Malaika ma laneko otyekogi woko. 11Meno ducu yam otime ikomgi macalo lapowic, ka dong kicoyo me cikowa, wan jo ma agiki piny oo ikomwani. 12Pimeno ngat mo matamo ni ecung matek myero ogwoke wek pe opoti. 13Pe tye atematema mo ma makowu ma pe mako dano ducu; Lubanga gene, pe biye ni kitemowu matek makato ma wuromo cirone, ento ikare me atemowu, Lubanga, bimiyowu yo ma myero wubwot kwede, wek wubed ki twero me cirone.

14Pimeno, wun luwota ma amaro, wubol woro jogi woko matwal. 15Aloko kwedwu macalo jo ma wigi tiyo; wun ki komwu aye omyero wutam matut i lok ma aloko. 1610 Kikopo me gum ma walego iye gum, pe waribe iye i remo pa Kricito? Mugati ma wan wabaro iyeni, pe waribe iye ikom pa Kricito? 17Pien mugati tye acel, wan ma wapoli bene wabedo kom acel, pien wan ducu wanywako camo en mugati acelu. 1811 Kong wunen jo Icrael; jo ma camo gitum ma kityero giribe katiyo tic i keno tyer bot Lubanga. 19Ka aloko kumeno nongo atamo ango? Ni cam ma kityero bot jogi obedo gin mo, nyo ni jogi gubedo gin mo? 2012Pe, gin ma awaco en ene ni, gitum ma jo ma pe ngeyo Lubanga gutyero, gityero bot jogi, ento pe gityero bot Lubanga. Pe amito wuribe ki jogi. 21Pe wutwero mato ki i kikopo pa Rwot ki i pa jogi. Pe wutwero cam imeja pa Rwot ki dok imeja pa jogi. 2213 Wamito omo cwiny Rwot wek nyeko omake? Wan mono watye ki tek wakato en?

Wutii gin ducu pi deyo pa Lubanga

2314

“Cik ye ni watim jami ducu,” ento meno pe nyutu ni jami ducu tye ki kony. “Atwero timo jami ducu,” ento man pe nyutu ni jami ducu weko niye pa dano dongo. 24Dano pe olub gin ma konyo en keken, ento myero olub gin ma konyo luwote bene. 25Wucam kit ringo ducu ma kicato i cuk, labongo gungcwiny mo itamwu. 2615 Pien ginacoya tito ni lobo ki jami ducu matye iye obedo pa Rwot. 27Kace dano mo ma pe oye Lubanga olwongowu kacam, kun wumito wucit wucam, ka wuo i gange wucam gin ducu ma kiketo inyimwu, pe wubed ka penyo gin mo iye pi gungcwiny. 28Ento ka ngat mo owaco botwu ni, “Man gin madong kityero bot jok,” pe wucam, pi paro pi ngat madong otito lok meno pi poyo wiwu ni, ki pi tame ma i cwinye ma nyutu bale bote. 29Meno aloko pi tam matye i cwiny dano mukene ca, pe pi tam ma icwinyi. Pingo kigengo kuc ma atye kwede me timo gin mo ni woko, pi tam matye i cwiny dano mukene? 30Ka anywako camo cam ki jo mukene kun apwoyo Lubanga bene, pingo kicaya pi gin madong atyeko pwoyo Lubanga pire?

31Dong ka wucamo cam nyo ka wumato ginamata, nyo gin ducu ma wutiyo, wutim ducu pi miyo deyo bot Lubanga. 32Pe wubal cwiny Lujudaya, kadi jo Grik, nyo jo ma oye Lubanga. 33Kit macalo an atemo yomo cwiny jo ducu i gin ducu ma atiyo, kun pe alaro pi gin ma konyo an kena, ento alaro pi gin ma konyo jo mapol, wek gulare.