Zabuli 11

Kitumbila kwa Nguluwi

(Kwa yalingwaluchiza kwimba. Zabuli ya Daudi.)

1Kwa heye Mkulu Nguluwi ndangubilimila kikala goya.

Mwanguweza ndaze lelo kundonjela,

“Uguluche kota chideje mbaka kuli vidunda,

2kwa vila wehile wangujiwika goya mipinde ja hewo,

nawawika goya misale kuli jiza,

leka wawatowe wanhu wanojile.

3Wone misisi ja ulongozi jowifigwa,

munhu yatanganiche kodita ndaze?”

4Mkulu Nguluwi ka mgati mwa Ng'handa ya heye yelile,

chigoda cha undewa cha Mkulu Nguluwi cha ako kilanga.

Kwa meho ga heye kanguwalolaga wanhu,

na kuvizela chila chowalingudita.

5Mkulu Nguluwi kanguwapimaga watanganiche,

ila kanguwazudilaga ng'hatu wehile walingugana kubunza.

6Kowadulisila wehile makala ga chiluli na maganga ga chiluli,

mbeho ng'hulu yowa ndo magazo ga hewo.

7Mkulu Nguluwi ndo yatanganiche na kangugana kutanganika.

Wanhu wagoloche nhumbula wochikala hamwe na heye.