ರೋಮ

ಪೌಲನು ರೋಮಾಪುರದವರಿಗೆ ಬರೆದ ಪತ್ರಿಕೆ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ

ಮಾಲುಮ್ ಕರಾನು

ರೋಮಾಪುರವಾಳನ ಅಪೊಸ್ತಲ ಪೌಲನೆ ಲೀಖ್ಯೋತೆ ಚಿಟ್ಟಿನ ಘಣೇಥಿಘಣು ಕ್ರಿಸ್ತನ ಪೈದಾಖ್ಹ್‌ನ ವಾರ್ 54 ಥು 58 ವರಖ್ಹ್‌ನಿ ಬೀಚ್ಮ ಲೀಖಿರಾಖ್ಯೊಸ್. ಪೌಲನೆ ಬಿಜೂ಼ಬಿ ರೋಮ್‍ನ ಭೇಟಿ ದೀರಾಖ್ಯೊಥೊ ಕೊಯ್ನಿ. ಇನಖ್ಹಾಜೆ ಯೋ ರೋಮ್ಮಛಾ಼ತೆ ವಿಶ್ವಾಸಿವೋನ ಮಾರಗ್ ದೇಖಡಾನಖ್ಹಾಜೆ ಆ ಚಿಟ್ಟಿನ ಲೀಖ್ಯೊ. ತದೆ ಯೆಹೂದ್ಯ ಅಜು಼ ಯೆಹೂದ್ಯಕಾಹೇತೆ ವಿಶ್ವಾಸಿಖ್ಹಾರುಜಿನು ಹಿಜ್ಜಾ಼ ಥೂ. ಆ ಚಿಟ್ಟಿನ ಕೊರಿಂಥ ಖ್ಹಯೇರ್‌ಥು ಲೀಖ್ಯೊ. ಯೋ ವಖ್ಹತ್‌ಮ ಯೋ ಹಿಜ್ಜಾ಼ಸ್ ಥೊ. ಪೌಲನೆ ಖ್ಹಾರು ದೇಖ್ಹ್‌ ಯೇಸುಕ್ರಿಸ್ತನ ವಿಶ್ವಾಸ್ ಕರ್ನುಕರಿ ಅಜು಼ ವಿಧೇಯ ಹೋಣುಕರಿ ಬೋಲಾನಖ್ಹಾಜೆ ಲೀಖ್ಯೊ

ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ ವಿಶ್ವಾಸಿಖ್ಹಾರನ ಖ್ಹಾರಿಬಾಜೂ಼ಬಿ ಅಜು಼ ಖ್ಹಾರೀಸ್‍ ವಖ್ಹತ್‍ಮಾಬಿ ಆ ಏಕ್‍ ಮಹಾನ್‍ ಪುಸ್ತಕ್ ಹುಯಿರ‍್ಹುಸ್. ಶನಕತೊ ಅನಾಮ ಪೌಲನೆ ಯೇಸುಕ್ರಿಸ್ತಥಿ ಮಳಾತೆ ರಕ್ಷಣೆನಿ ಬಾರೇಮ ಛೋ಼ಡಿನ್ ಅಜು಼ ಬರೋಬರ್‌ಥಿ ಬೋಲಿರಾಖ್ಯೊಸ್. ಪೌಲಬಿ ಯೇಸುಕ್ರಿಸ್ತನಿ ಸುವಾರ್ತೆನ ಜೂ಼ನಿ ಒಪಂದಾನನಿ ಜೋ಼ಡ್ಮ ಮಳೈನ್‌ ಬೋಲಸ್. ಕೈಏಕ್ ಪೊಂಡಿತ್‍ಖ್ಹಾರು ಆ ಪುಸ್ತಕ್‌ಮ

ಕಾಡಿದೇಖೊ

1. ಪೌಲ ಮಾಮೂಲಿಥಿ ಇನಿ ಬಾರೇಮ ಬೋಲ್ತೊಹುಯಿನ್ ಅಜು಼ ಮೇ ಕಿನ ಲೀಖುಕರುಸ್‌ಕರಿ ಬೋಲಾನಿವಾತೆ ಬೋಲ್ತೊಹುಯಿನ್ ಆ ಚಿಟ್ಟಿನ ಶುರುಕರಸ್.

2. ಇನಕೇಡೆಥು ಯೊ ಅದಮ್‍ಜ಼ಮಾನನಿ ಹಾಲತ್ ಅಜು಼ ಯೇಸುಕ್ರಿಸ್ತಥಿ ಮಳಾನು ರಕ್ಷಣೇನಿ ಬಾರೇಮ ಲೀಖಸ್

3. ಅನಕೇಡೆಥು ಪೌಲ ಕೈಏಕ್ ವಿಶ್ವಾಸಿನ ಜಿವ್ಣನ ಹೋಣುತೆ ವಾಟ್‌ ಒತಾಳಸ್.

4. ಯೋ ಆಚಿಟ್ಟಿನ ರೋಮ್ಮಛಾ಼ತೆ ಸಬೆನ ಅದ್ಮಿವೋನ ಕೈಏಕ್ ಪರಕ್ಮ ಖ್ಹಲಾಮ್ ಕರ್ತೊಹುಯಿನ್ ಆ ಚಿಟ್ಟಿನ ಖ್ಹರ್ತಿ ಕರಸ್