ಪ್ರಕಾಶಿತ್

ಯೋಹಾನನು ಬರೆದ ಪ್ರಕಟಣೆ

ಯೋಹಾನನೆ ಲೀಖ್ಯೋತೆ ಪ್ರಕಾಶಿತ್ ವಚನ್‍

ಮಾಲುಮ್ ಕರಾನು

ಪ್ರಕಾಶಿತ್ ಪುಸ್ತಕ್ ನವಿ ಒಪ್ಪಂದಾನು ಪುಸ್ತಕ್ ಹುಯಿರುಸ್. ಆ ಪುಸ್ತಕ್ ಅಪೊಸ್ತಲ ಯೋಹಾನಥಿ ಲೀಖಾಯು. ಖ್ಹರ್ತಿಮ ಕ್ರಿಸ್ತನಿ ಪೈದಾಖ್ಹ್‌ನಿ ಖ್ಹುಮಾರ್ 95 ವರಖ್ಹ್‌ಮ ಲೀಖೈರುಸ್.

ಆ ಪ್ರಕಾಶಿತ್ ಪುಸ್ತಕ ಇನೆ ಯೇಸುಕ್ರಿಸ್ತನಿ ಸುವಾರ್ತೆ ಫೈಲಾವನಖ್ಹಾಜೆ ಪತ್ಮೋಸ್ ಕರಿ ಟಾಪನ ಕೊಂಡೈರ‍್ಹವಾನಿ ವಖ್ಹತ್‌ಮ

ಯೋಹಾನನೆ ಪ್ರಕಾಶಿತ್ ಪುಸ್ತಕ ಲೀಖ್ಯೋತೆ ಶನಕತೊ ಪಢಾವಾಳಾನ ಯೇಸುಕ್ರಿಸ್ತಮ ವಿಶ್ವಾಸಿ ಹುಯಿನ್ ರ‍್ಹವಾನಖ್ಹಾಜೆ ಅಜು಼ ಯೇಸು ಪಾಛು಼ ಆವ್‍ಶೆಕರಿ ಬೋಲಾನು ವೇಳ್ ಖನ್ನೆ ಅಯಿಗಿಕರಿ ಯೋ ಭರೋಖ್ಹೊ ದ್ಯವಾನಖ್ಹಾಜೆ ಹುಮ್ಮಖ್ಹ್ ದ್ಯವಾನು ಹುಯಿರುಸ್

ಆ ಪುಸ್ತಕ ಯೇಸು ಒಗ್ಗಿಸ್ ವಳ್ಯಾವಸ್ ಕರಿ ಬೋಲಾನು ಅಪ್ಣುನ ಹೊಷಾರಿ ಕರಸ್ ಅಜು಼ ಭರೋಖ್ಹೊಬಿ ದ್ಯವಾದೆ.

ಕಾಡಿದೇಖೊ

1. ಯೋಹಾನನೆ ಆ ಪ್ರವಾದನೇನಿ ದರ್ಶನ್ ಕಿನೇಥಿ ಲೀಲಿದೊ ಕರಿ ಬೋಲ್ತೊಹುಯಿನ್ ಶುರುಕರಸ್.

2. ಯೋ ನೇರ್‌ಥಿ ಯೇಸುಭಣಿಥು ಆಯೂತೆ ಸಂದೇಶ್ನ 7 ಸಬೇವ್‌ನ ದೇಸ್.

3. ಇನಕೇಡೆಥು ಯೋ ಖ್ಹಾತ್ ಮುದ್ರಾನಿ ಬಾರೇಮ ಬೋಲಿವತಾಳಸ್.

4. ಇನಕೇಡೆಥು ಯೋಹಾನ 7 ಮುಡ್‌ಕ್ಯಾನು ಮಹಾ ಅರ್ಝ಼ನ ವಿರೋದ್ ಪರ್ಖ್ಹೊಲಡ್ಕಾನಿ ಜಂಗ್‌ನಿ ಬಾರೇಮ ಬೋಲಸ್.

5. ಇನಬಾದ್ಮ ಯೋ ಇಂಘಾಠಾಥಿ ಭರೈರುತೆ ರಾಛಾ಼ನ 7 ಸಮಾಚಾರ್‌ನಿ ಬಾರೇಮ ಲೀಖಸ್.

6. ಇನಕೇಡೆಥು ಯೋಹಾನನೆ ಸೊರ್ಗನು ದೇವ್ ಇನ ವಹೇರ‍್ಯಾನ ವಿರೋದ್ ಕಿಮ್ ಜೂತಸ್ ಕರಿ ಬೋಲಾನು ಬೋಲಿವತಾಳಸ್.

7. ಖ್ಹರ್ತಿಮ ಯೋ ಕಡೇಶಿಮ ಒಳಿಯಾವತೆ ನವಿ ಸೊರ್ಗ ಅಜು಼ ನವು ಜಗತ್‌ ಆವ್‌ಶೇತೆ ಇನಿ ಬಾರೇಮ ಬೋಲಿ ಓತಾಳಸ್‍.