Muⱪeddes Kalam (yǝngi yeziⱪ)
Zǝbur 61
61-küy •••• «Mǝndin yuⱪiri Ⱪoram Tax»
Nǝƣmiqilǝrning bexiƣa tapxurulup, tarliⱪ sazlar bilǝn oⱪulsun dǝp Dawut yazƣan küy: —
I Huda, pǝryadimni angliƣaysǝn;
Duayimƣa ⱪulaⱪ salƣaysǝn!
Yǝrning qǝt-qǝtliridǝ turup,
Yürikim zǝiplixip kǝtkǝndǝ,
Mǝn Sanga murajiǝt ⱪilimǝn: —
Sǝn meni ɵzümdin yuⱪiri Ⱪoram Taxⱪa yetǝklǝysǝn! 1
Qünki Sǝn manga panaⱨgaⱨ,
Düxminim aldida mustǝⱨkǝm munar bolup kǝlgǝnsǝn.
Mǝn qediringni mǝnggülük turalƣum ⱪilimǝn;
Ⱪanatliring sayisidǝ panaⱨ tapimǝn.
Selaⱨ.
Qünki Sǝn, i Huda, ⱪǝsǝmlirimni angliding;
Ɵzüngdin ǝyminidiƣanlarƣa tǝwǝ mirasni mangimu bǝrdingsǝn. 2
Padixaⱨning künlirigǝ kün ⱪoxup uzartisǝn;
Uning yilliri dǝwrdin-dǝwrgiqǝ bolidu. 3
U Hudaning aldida mǝnggü ⱨɵküm süridu;
Uni aman saⱪlaxⱪa muⱨǝbbǝt wǝ ⱨǝⱪiⱪǝtni bekitip tǝminligǝysǝn;
Xuning bilǝn aldingda iqkǝn ⱪǝsǝmlirimgǝ ⱨǝr küni ǝmǝl ⱪilimǝn;
Mǝn namingni mǝnggü küylǝymǝn!
Source notes (3)
- Footnote ◼ «Mǝn ɵzümdindin yuⱪiri Ⱪoram Tax» — Hudani kɵrsitidu, ǝlwǝttǝ. «Mǝndin yuⱪiri» degǝn ibarǝ bǝlkim Dawutning gǝrqǝ padixaⱨ bolsimu, «Ɵzümni naⱨayiti üstün, ⱪabilǝtlik adǝm ⱨesablimaymǝn, ⱨǝrdaim Hudadin yol sorixim kerǝk» degǝndǝk, ⱨǝmmimizni kiqik peilliⱪ boluxⱪa, ündǝydu.
- Footnote ◼ «Ɵzüngdin ǝyminidiƣanlarƣa tǝwǝ miras...» — ibraniy tilida «Namingdin ǝyminidiƣanlarƣa tǝwǝ miras...».
- Footnote ◼ «Padixaⱨning künlirigǝ kün ⱪoxup uzartisǝn; uning yilliri dǝwrdin-dǝwrgiqǝ bolidu» — Dawut ɵzi Israilƣa padixaⱨ bolup ⱪiriⱪ yil ⱨɵküm sürgǝn. Xübⱨisizki, u bu yǝrdǝ ɵz ǝwladi bolidiƣan Ⱪutⱪuzƣuqi-Mǝsiⱨ toƣruluⱪ bexarǝt beridu.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.