Muⱪeddes Kalam (yǝngi yeziⱪ)
Zǝbur 62
62-küy •••• Hudani tǝlmürüp kütüx
Nǝƣmiqilǝrning bexi Yǝdutunƣa tapxurulƣan, Dawut yazƣan küy: —
Jenim Hudaƣila ⱪarap süküttǝ kütidu;
Mening nijatliⱪim uningdindur. 1
Pǝⱪǝt Ula mening ⱪoram texim wǝ mening nijatliⱪim,
Mening egiz ⱪorƣinimdur;
Mǝn unqilik tǝwrinip kǝtmǝymǝn. 2
Silǝr ⱪaqanƣiqǝ xu ajiz bir insanƣa ⱨujum ⱪilisilǝr?
Ⱨǝmminglar ⱪingƣiyip ⱪalƣan tamni,
Irƣanglap ⱪalƣan ⱪaxani ƣulatⱪandǝk, uni ƣulatmaⱪqisilǝr?
Uni xɵⱨrǝt-ⱨǝywitidin qüxürüwetixtin baxⱪa, ularning ⱨeq mǝsliⱨǝti yoⱪtur;
Yalƣanqiliⱪlardin hursǝn ular;
Aƣzida bǝht tiligini bilǝn,
Ular iqidǝ lǝnǝt oⱪuydu.
Selaⱨ.
I jenim, Hudaƣila ⱪarap süküttǝ kütkin;
Qünki mening ümidim Uningdindur.
Pǝⱪǝt U mening ⱪoram texim ⱨǝm mening nijatliⱪim,
Mening egiz ⱪorƣinimdur;
Mǝn tǝwrinip kǝtmǝymǝn.
Nijatliⱪim ⱨǝm xan-xɵⱨritim Hudaƣa baƣliⱪtur;
Mening küqüm bolƣan ⱪoram tax, mening panaⱨgaⱨim Hudadidur.
I halayiⱪ, Uningƣa ⱨǝrdaim tayininglar!
Uning aldida iq-baƣringlarni tɵkünglar;
Huda bizning panaⱨgaⱨimizdur!
Selaⱨ.
Addiy bǝndilǝr pǝⱪǝt bir tiniⱪ,
Esilzadilǝrmu bir yalƣan sɵz halas;
Taraziƣa selinsa ularning ⱪilqǝ salmiⱪi yoⱪ,
Bir tiniⱪtinmu yeniktur.
Zomigǝrlikkǝ tayanmanglar;
Bulangqiliⱪtin ham hiyal ⱪilmanglar,
Bayliⱪlar awusimu, bularƣa kɵnglünglarni ⱪoymanglar;
Huda bir ⱪetim eytⱪanki,
Mundaⱪ deginini ikki ⱪetim anglidimki: —
«Küq-ⱪudrǝt Hudaƣa mǝnsuptur».
Ⱨǝm i Rǝb, Sanga ɵzgǝrmǝs muⱨǝbbǝtmu mǝnsuptur;
Qünki Sǝn ⱨǝrbir kixigǝ ɵz ǝmiligǝ yarixa ⱪayturisǝn. 3
Source notes (3)
- Footnote ◼ «Nǝƣmiqilǝrning bexi Yǝdutunƣa tapxurulƣan, Dawut yazƣan küy» — «Yǝdutun»: Dawut pǝyƣǝmbǝr «mǝdⱨiyǝ hori»ning yetǝkqisi dǝp bekitkǝn, Yǝdutun isimlik bir kixini kɵrsitidu («1Tar.» 16:41ni kɵrüng). Yǝnǝ birhil tǝrjimisi: «Nǝƣmiqilǝrning bexiƣa tapxurulup, «Yǝdutun» (mǝdⱨiyilǝx degǝn mǝnidǝ) aⱨangida oⱪulsun dǝp Dawut yazƣan küy: —....».
- Footnote ◼ «Mǝn unqilik tǝwrinip kǝtmǝymǝn» — yaki baxⱪa birhil tǝrjimisi «Zor eƣirqiliⱪtimu tǝwrǝnmǝymǝn».
- Cross-reference ◘ Ayup 34:11; Pǝnd. 24:12; Yǝr. 32:19; Əz. 7:27; 33:20; Mat. 16:27; Rim. 2:6; 2Kor. 5:10; Əf. 6:8; Kol. 3:25; 1Pet. 1:17; Wǝⱨ. 22:12
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.