Muⱪeddes Kalam (yǝngi yeziⱪ)
Zǝbur 57
57-küy •••• Eƣir künlǝrdiki etiⱪad
Nǝƣmiqilǝrning bexiƣa tapxurulup, «Ⱨalak ⱪilmiƣaysǝn» degǝn aⱨangda oⱪulsun dǝp, Dawut yazƣan «Mihtam» küyi, (u Saul padixaⱨtin ⱪeqip, ɵngkürdǝ yoxurunuwalƣan qaƣda yezilƣan): —
I Huda, manga xǝpⱪǝt kɵrsǝtkǝysǝn,
Manga xǝpⱪǝt kɵrsǝtkǝysǝn,
Qünki jenim Seni panaⱨim ⱪildi.
Muxu balayi’apǝt ɵtüp kǝtküqǝ, ⱪanatliring sayisidǝ panaⱨ tapimǝn. 1 2
Hudaƣa, yǝni Ⱨǝmmidin Aliy Bolƣuqiƣa,
Ɵzüm üqün ⱨǝmmini orunlaydiƣan Tǝngrigǝ nida ⱪilimǝn;
U ǝrxtin yardǝm ǝwǝtip meni ⱪutⱪuzidu;
Manga ⱪarap nǝpsi yoƣinap, meni ⱪoƣlawatⱪanlarni U rǝswa ⱪilidu;
Selaⱨ;
Huda Ɵz meⱨir-xǝpⱪiti wǝ ⱨǝⱪiⱪitini ǝwǝtidu!
Jenim xirlar arisida ⱪaldi;
Mǝn nǝpisi yalⱪun kǝbi bolƣanlar arisida yatimǝn!
Adǝm baliliri —
Ularning qixliri nǝyzǝ-oⱪlardur,
Ularning tili — ɵtkür ⱪiliqtur!
I Huda, ǝrxlǝrdin yuⱪiri uluƣlanƣaysǝn,
Xan-xǝriping yǝr yüzini ⱪapliƣay! 3
Ular ⱪǝdǝmlirimgǝ tor ⱪurdi;
Jenim egilip kǝtti;
Ular mening yolumƣa orǝk koliƣanidi,
Lekin ɵzliri iqigǝ qüxüp kǝtti. 4
Iradǝm qing, i Huda, iradǝm qing;
Mǝn mǝdⱨiyǝ nahxilarni eytip,
Bǝrⱨǝⱪ Seni küylǝymǝn! 5
Oyƣan, i roⱨim!
I nǝƣmǝ-sazlirim, oyƣan!
Mǝn sǝⱨǝr ⱪuyaxinimu oyƣitimǝn! 6
Mǝn ⱪowmlar arisida seni uluƣlaymǝn, i Rǝb;
Əllǝr arisida Seni küylǝymǝn! 7
Qünki ɵzgǝrmǝs muⱨǝbbiting ǝrxlǝrgǝ yǝtküdǝk uluƣdur;
Ⱨǝⱪiⱪiting bulutlarƣa taⱪaxti. 8
I Huda, ǝrxlǝrdin yuⱪiri uluƣlanƣaysǝn,
Xan-xǝriping yǝr yüzini ⱪapliƣay!
Source notes (8)
- Footnote ◼ «Dawut yazƣan «Mihtam» küyi» — «Mihtam» 16-küydiki izaⱨatni kɵrüng. «U Saul padixaⱨtin ⱪeqip, ɵngkürdǝ yoxurunuwalƣan qaƣda yezilƣan» — bu wǝⱪǝlǝr «1Sam.» 24-babta bayan ⱪilinidu.
- Cross-reference ◘ 1Sam. 22:1; 24:4
- Cross-reference ◘ Zǝb. 108:5
- Cross-reference ◘ Zǝb. 7:15-16; 9:16
- Cross-reference ◘ Zǝb. 108:1-5
- Footnote ◼ «Oyƣan, i roⱨim!» — bu ayǝttiki «roⱨim» ibraniy tilidiki «xan-xǝripim» degǝn sɵzning tǝrjimsi. «Nǝƣmǝ-sazlirim!» ibraniy tilida «lira (rawabdǝk bir saz) wǝ qiltar»ni bildüridu.
- Cross-reference ◘ Zǝb. 18:49; 22:22; 108:3
- Cross-reference ◘ Zǝb. 36:5-6; 108:4
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.