Muⱪeddes Kalam (yǝngi yeziⱪ)
Zǝbur 58
58-küy •••• Zalim ⱨɵkümranlarni Huda jazaliƣay!
Nǝƣmiqilǝrning bexiƣa tapxurulup, «Ⱨalak ⱪilmiƣaysǝn» degǝn aⱨangda oⱪulsun dǝp, Dawut yazƣan «Mihtam» küyi: —
I ⱪudrǝt igiliri, silǝr ⱨǝⱪiⱪǝtǝn adalǝtni sɵzlǝwatamsilǝr?
I insan baliliri, adil ⱨɵküm qiⱪiramsilǝr? 1
Yaⱪ, silǝr kɵnglünglǝrdǝ yamanliⱪ tǝyyarlaysilǝr;
Yǝr yüzidǝ ɵz ⱪolunglar bilǝn ⱪilidiƣan zorawanliⱪni ɵlqǝwatisilǝr.
Rǝzillǝr anisining ⱪorsiⱪidila ezip ketidu;
Ular tuƣulupla yoldin adixip, yalƣan sɵzlǝydu.
Ularning zǝⱨiri yilanning zǝⱨiridur;
Ular ɵz ⱪuliⱪini pütük ⱪilƣan gas kobra yilandǝk, 2
Mǝyli yilanqilar xunqǝ qirayliⱪ seⱨirlisimu,
U nǝy awaziƣa ⱪǝt’iy ⱪulaⱪ salmaydu. 3
I Huda, ularning aƣzidiki qixlirini sunduruwǝtkǝysǝn!
Muxu yax xirlarning tongkay qixlirini qeⱪiwǝtkǝysǝn, i Pǝrwǝrdigar!
Ular eⱪip kǝtkǝn sulardǝk ɵtüp kǝtkǝy;
Ular oⱪlarni qǝnlǝp atⱪanda,
Oⱪliri uqsiz bolup kǝtkǝy!
Ⱪululǝ yol mangƣanda izi yoⱪilip kǝtkǝndǝk,
Ular yoⱪap kǝtsun;
Ayalning qüxüp kǝtkǝn ⱨamilisidǝk,
Ular kün kɵrmisun!
Ⱪazan yantaⱪlarning issiⱪini sǝzgüqǝ,
(Mǝyli ular yumran peti, yaki ot tutaxⱪan bolsun)
U ularni tozutuwetidu. 4
Ⱨǝⱪⱪaniy adǝm Hudaning intiⱪamini kɵrgǝndǝ huxal bolidu;
Ɵz izlirini rǝzillǝrning ⱪenida yuyidu.
Xunga adǝmlǝr: «Dǝrwǝⱪǝ, ⱨǝⱪⱪaniylar üqün in’am bardur;
Dǝrwǝⱪǝ yǝr yüzidǝ ⱨɵküm yürgüzgüqi bir Huda bardur» — dǝydu.
Source notes (4)
- Footnote ◼ «Silǝr ⱨǝⱪiⱪǝtǝn adalǝtni sɵzlǝwatamsilǝr?» — baxⱪa birhil tǝrjimisi: «Adalǝt zuwansiz bolup ⱪaldimu? Nemixⱪa sɵzlimǝysilǝr?». Buningƣa ohxap ketidiƣan baxⱪa birnǝqqǝ tǝrjimilǝr bar. Bǝlkim sürgün bolƣan Dawutning kɵzdǝ tutⱪini (ǝsli ɵzini ⱨɵrmǝtlǝydiƣan) ordidiki ǝmǝldarlarning uning dǝwasini Saul padixaⱨ aldida sɵzlimigini.
- Cross-reference ◘ Zǝb. 140:3
- Footnote ◼ «Mǝyli yilanqilar xunqǝ qirayliⱪ seⱨirlisimu» — «yilanqi»: qelip yilanlarni oynitidiƣan kixi.
- Footnote ◼ «Ⱪazan yantaⱪlarning issiⱪini sǝzgüqǝ, (mǝyli ular yumran peti, yaki ot tutaxⱪan bolsun) u ularni tozutuwetidu» — toluⱪ ayǝtning birnǝqqǝ hil tǝrjimiliri bar; ularning ⱨǝmmisining omumiy mǝnisi bu tǝrjimigǝ ohxap ketidu.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.