Muⱪeddes Kalam (yǝngi yeziⱪ)

Zǝbur 2

2-küy •••• Hudaning Mǝsiⱨi barliⱪ ǝllǝrni idarǝ ⱪilidu

Əllǝr nemixⱪa quⱪan salidu?

Nemǝ üqün hǝlⱪlǝr bikardin-bikar suyiⱪǝst oylaydu? 1 2

Dunyadiki padixaⱨlar sǝpkǝ tizilip,

Əmǝldarlar ⱪara niyǝt ǝylixip,

Pǝrwǝrdigar wǝ Uning Mǝsiⱨi bilǝn ⱪarxilixip: — 3

«Ularning qǝklimilirini qɵrüwetǝyli,

Ularning asarǝtlirini buzup taxlayli!» — deyixidu. 4

Asmanda olturƣuqi külidu,

Rǝb ularni mazaⱪ ⱪilidu;

Ⱨǝm aqqiⱪida ularƣa sɵzlǝp,

Ⱪǝⱨri bilǝn ularni wǝⱨimigǝ selip: —

«Ɵzüm bolsam Zionda, yǝni muⱪǝddǝs teƣimda,

Ɵzüm mǝsiⱨ ⱪilƣan padixaⱨni tiklidim». 5

Huda tǝyinligǝn Mǝsiⱨ-Padixaⱨ sɵz ⱪilidu

«Mǝn ǝrxtiki pǝrmanni jakarlaymǝnki,

Pǝrwǝrdigar manga: —

«Sǝn Mening oƣlum;

Ɵzüm seni bügünki kündǝ tuƣuldurdum; 6

Mǝndin sora, Mǝn sanga miras boluxⱪa ǝllǝrni,

Tǝǝlluⱪung boluxⱪa yǝr yüzini qǝt-qǝtlirigiqǝ berimǝn; 7

Sǝn tɵmür tayaⱪ bilǝn ularni bitqit ⱪiliwetisǝn;

Sapal qinini kukum-talⱪan ⱪilƣandǝk, sǝn ularni parǝ-parǝ ⱪiliwetisǝn» — dedi». 8 9

Əmdi, ⱨǝy padixaⱨlar, ⱨekmǝtlik bolunglar!

Jaⱨandiki soraⱪqilar sawaⱪ elinglar;

Pǝrwǝrdigardin ⱪorⱪux bilǝn uning hizmitidǝ bolunglar;

Titrǝk iqidǝ huxallininglar! 10

Oƣulning ƣǝzipining ⱪozƣalmasliⱪi üqün,

Uni sɵyünglar;

Qünki uning ƣǝzipi sǝlla ⱪaynisa,

Yolunglardila ⱨalak bolisilǝr;

Uningƣa tayanƣanlar nǝⱪǝdǝr bǝhtliktur! 11 12

Source notes (12)

Footnote ◼ «Əllǝr nemixⱪa quⱪan salidu?» — Zǝburdiki küylǝrdǝ, «ǝllǝr» yaki «yat ǝllǝr» bolsa, Israil hǝlⱪidin baxⱪa ⱨǝrbir hǝlⱪ-millǝtni kɵrsitidu.
Cross-reference ◘ Ros. 4:25
Footnote ◼ «Pǝrwǝrdigar wǝ Uning Mǝsiⱨi» — «Mǝsiⱨ» muxu yǝrdǝ, kona bir ɵrp-adǝtkǝ ⱪaritilƣan. Tǝwrattiki bǝlgilimidǝ, yengi padixaⱨ tiklinix murasimida bexiƣa puraⱪliⱪ zǝytun meyi ⱪuyulatti. Bu «mǝsiⱨ ⱪilix» («mǝsiⱨlǝx») dǝp atalƣan. «Yǝxaya» kitab, 61-babta «mǝsiⱨ ⱪilix» degǝn sɵz bolsa, kelidiƣan Ⱪutⱪuzƣuqining wujudiƣa may ǝmǝs, bǝlki Muⱪǝddǝs Roⱨ ⱪuyulidiƣanliⱪini kɵrsitidu. Muxu ayǝttimu ohxaxla, «Mǝsiⱨ» Muⱪǝddǝs Roⱨ bilǝn «mǝsiⱨ ⱪilinƣan adǝm»ni kɵrsitidu.
Footnote ◼ «Ularning qǝklimilirini qɵrüwetǝyli, Ularning asarǝtlirini buzup taxlayli!» — «Ular» «Huda wǝ Uning Mǝsiⱨi»ni kɵrsitidu.
Footnote ◼ «Zion.., yǝni muⱪǝddǝs teƣim..» — «Zion teƣi» Yerusalem wǝ muⱪǝddǝs ibadǝthana bu taƣ üstigǝ ⱪurulƣan. «Zion» (yaki «Sion») ǝslidǝ «kɵrünǝrlik» degǝn mǝnidǝ. U Hudaning Ɵz hǝlⱪigǝ ⱨimayǝ bolƣanliⱪiƣa simwol ⱪilinidu. «Ɵzüm mǝsiⱨ ⱪilƣan padixaⱨni tiklidim» — yuⱪiridiki 2-ayǝttiki, «Mǝsiⱨ» toƣrisidiki izaⱨatni kɵrüng.
Cross-reference ◘ Ros. 13:33; Ibr. 1:5; 5:5
Cross-reference ◘ Zǝb. 22:27; 72:8
Footnote ◼ «Sǝn tɵmür tayaⱪ bilǝn ularni bitqit ⱪiliwetisǝn» — yaki: «Sǝn tɵmür tayaⱪ bilǝn ularni baxⱪurisǝn».
Cross-reference ◘ Wǝⱨ. 2:27; 19:15
Footnote ◼ «Titrǝk iqidǝ huxallininglar!» — baxⱪa birhil tǝrjimisi: «titrǝk iqidǝ yaxanglar!».
Footnote ◼ «Uni (Oƣulni) sɵyünglar» — buning mǝnisi bǝlkim «Hudaning oƣli bilǝn ǝplixiwelinglar». «Qünki uning ƣǝzipi sǝlla ⱪaynisa...» — yǝnǝ birhil tǝrjimisi «Qünki uning ƣǝzipi tezla ⱪozƣilidu...».
Cross-reference ◘ Zǝb. 34:8; Pǝnd. 16:20; Yǝx. 30:18; Yǝr. 17:7; Rim. 9:33; 10:11; 1Pet. 2:6

Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.