Muⱪeddes Kalam (yǝngi yeziⱪ)

Zǝbur 3

3-küy •••• Sǝⱨǝrdiki dua

Dawut ɵz oƣli Abxalomdin ⱪeqip yürgǝn künlǝrdǝ yazƣan küy: —

I Pǝrwǝrdigar, meni ⱪistawatⱪanlar nǝⱪǝdǝr kɵpiyip kǝtkǝn,

Mǝn bilǝn ⱪarxilixiwatⱪanlar nemidegǝn kɵp! 1 2

Nurƣunlar mǝn toƣruluⱪ: —

«Hudadin uningƣa ⱨeq nijat yoⱪtur!» deyixiwatidu.

Selaⱨ! 3

Biraⱪ Sǝn, i Pǝrwǝrdigar, ǝtrapimdiki ⱪalⱪandursǝn;

Xan-xǝripim ⱨǝm beximni yɵligüqidursǝn! 4

Awazim bilǝn mǝn Pǝrwǝrdigarƣa nida ⱪilimǝn,

U muⱪǝddǝs teƣidin ijabǝt beridu.

Selaⱨ.

Mǝn bolsam yattim, uhlidim;

Oyƣandim, qünki Pǝrwǝrdigar manga yar-yɵlǝk bolidu. 5

Meni ⱪorxap sǝp tüzgǝn tümǝnligǝn adǝmlǝr bolsimu,

Mǝn ulardin ⱪorⱪmaymǝn! 6

I Pǝrwǝrdigar, ornungdin tur!

Meni ⱪutⱪuz, i Hudayim!

Mening barliⱪ düxmǝnlirimning tǝstikigǝ salƣaysǝn;

Rǝzillǝrning qixlirini qeⱪiwǝtkǝysǝn!

Nijatliⱪ bolsa Pǝrwǝrdigardindur;

Bǝrikiting Ɵz hǝlⱪingdǝ bolsun!

Selaⱨ! 7

Source notes (7)

Footnote ◼ «Dawut ɵz oƣli Abxalomdin ⱪeqip yürgǝn künlǝrdǝ...» — muxu wǝⱪǝ, «2Sam.» 15-18-babta hatirilǝngǝn.
Cross-reference ◘ 2Sam. 15,16,17,18
Footnote ◼ «Hudadin uningƣa ⱨeq nijat yoⱪtur!» — demisǝkmu, «nijat» «(Hudadin kǝlgǝn) ⱪutⱪuzux» degǝnni bildüridu. «Selaⱨ» — muxu sɵz bǝlkim küy qalƣan waⱪtida muzikidiki bir «pauza»ni kɵrsitixi mumkin; xuning bilǝn uning: — «Tohta, oylan!» degǝn imasi boluxi mumkin.
Footnote ◼ «Xan-xǝripim ⱨǝm beximni yɵligüqidursǝn!» — «mening xan-xǝripim» degǝn ibarǝ ikki bisliⱪ sɵz bolup, bǝlkim: (1) Dawutning mǝdⱨiyisining temisi Huda Ɵzidur; (2) Hudaning Dawutning ɵz Hudasi bolƣanliⱪi, bu naⱨayiti pǝhirlik, xǝrǝplik ixtur, degǝn ikki mǝnini bildürüxi mumkin.
Cross-reference ◘ Zǝb. 4:8
Cross-reference ◘ Zǝb. 27:3
Cross-reference ◘ Pǝnd. 21:31; Yǝx. 43:11; Yǝr. 3:23; Ⱨox. 13:4; Wǝⱨ. 7:10; 19:1

Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.