Muⱪeddes Kalam (yǝngi yeziⱪ)
Zǝbur 1
Birinqi Bɵlüm •••• 1-küy •••• Itaǝtmǝn adǝmning bǝhti
Rǝzillǝrning gepi boyiqǝ mangmaydiƣan,
Gunaⱨkarlarning yolida turmaydiƣan,
Mǝshirǝ ⱪilƣuqining ornida olturmaydiƣan adǝm bǝht tapur! 1
Uning hursǝnliki pǝⱪǝt Pǝrwǝrdigarning tǝwrat-ⱪanunididur;
U Pǝrwǝrdigarning ⱪanunini keqǝ-kündüz seƣinip oylaydu. 2 3
U huddi eriⱪ boyiƣa tikilgǝn,
Ɵz pǝslidǝ mewisini beridiƣan,
Yopurmaⱪliri solaxmaydiƣan dǝrǝhtǝktur;
U nemila ⱪilsa ronaⱪ tapidu. 4 5
Rǝzil adǝmlǝr bolsa undaⱪ bolmas;
Ular huddi xamal uquruwǝtkǝn tozandǝktur. 6
Xuning üqün rǝzillǝr soraⱪ künidǝ tik turalmaydu,
Gunaⱨkarlar ⱨǝⱪⱪaniylarning jamaitidǝ ⱨeq bexini kɵtürüp turalmaydu.
Qünki Pǝrwǝrdigar ⱨǝⱪⱪaniylarning yolini kɵngligǝ pükkǝn;
Rǝzillǝrning yoli bolsa yoⱪilidu.
Source notes (6)
- Cross-reference ◘ Zǝb. 26:4-5; Pǝnd. 1:10, 15; 4:14, 15; 1Kor. 15:33; Əf. 5:11
- Footnote ◼ «U Pǝrwǝrdigarning ⱪanunini keqǝ-kündüz seƣinip oylaydu» — ibraniy tilida: «U Uning ⱪanunini keqǝ-kündüz seƣinip oylaydu». Əmǝliyǝttǝ bolsa bu zǝbur Mǝsiⱨni kɵrsitidu. Sǝwǝbi, Mǝsiⱨtin baxⱪa, kim «Pǝrwǝrdigarning ⱪanunini keqǝ-kündüz seƣinip oylaydu»?! Birdinbir undaⱪ mukǝmmǝl adǝm pǝⱪǝt Udur. Undaⱪ bolƣanda, «Uning ⱪanuni» Ɵziningkidur!
- Cross-reference ◘ Ⱪan. 6:6-9; 17:19; Yǝ. 1:8; Zǝb. 112:1; 119:1
- Footnote ◼ «U nemila ⱪilsa ronaⱪ tapidu» — bu yǝrdiki «u», Hudaning yolida mangidiƣan adǝmni kɵrsitidu.
- Cross-reference ◘ Yǝr. 17:8
- Cross-reference ◘ Ayup 21:18; Zǝb. 35:5; Yǝx. 17:13; 29:5; Ⱨox. 13:3
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.