Muⱪeddes Kalam (yǝngi yeziⱪ)
Zǝbur 128
128-küy •••• Hudadin ǝyminidiƣan kixining bǝhtliki
«Yuⱪiriƣa qiⱪix nahxisi»
Pǝrwǝrdigardin ⱪorⱪidiƣanlar,
Uning yollirida mangidiƣanlarning ⱨǝrbiri bǝhtliktur!
Qünki sǝn ɵz ⱪolungning ǝjrini yǝysǝn;
Bǝhtlik bolisǝn, ronaⱪ tapisǝn;
Ayaling bolsa ɵyüng iqidǝ mewilik üzüm telidǝk bolidu;
Baliliring dastihaningni qɵridǝp, zǝytun dǝrǝhliridǝk tizilip olturidu;
Mana, Pǝrwǝrdigardin ⱪorⱪidiƣan kixi xundaⱪ bǝhtni kɵridu.
Pǝrwǝrdigar sanga Zion teƣidin bǝht ata ⱪilƣay;
Sǝn ɵmrüng boyiqǝ Yerusalemning awatliⱪini kɵrgǝysǝn;
Pǝrzǝntliringning pǝrzǝntlirini kɵrgǝysǝn;
Israilƣa aram-tinqliⱪ bolƣay!
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.