Zǝbur 129

129-küy •••• Uzun dawam ⱪilƣan japa-muxǝⱪⱪǝtni ǝslǝx

1«Yuⱪiriƣa qiⱪix nahxisi»

«Yaxliⱪimdin tartip ular kɵp ⱪetim meni har ⱪilip kǝldi» —

— Aⱨ, Israil ⱨazir buni desun —

2«Ular yaxliⱪimdin tartip kɵp ⱪetim meni har ⱪilip kǝldi,

Biraⱪ üstümdin ƣǝlibǝ ⱪilƣan ǝmǝs.

3Ⱪox ⱨǝydigüqilǝr dümbǝmdǝ ⱨǝydigǝn,

Qɵnǝklirini intayin uzun tartⱪan».

4Pǝrwǝrdigar ⱨǝⱪⱪaniydur;

U rǝzillǝrning asarǝtlirini sunduruwǝtti;

5Ular xǝrmǝndǝ bolup arⱪisiƣa yandurulsun,

Ziondin nǝprǝtlinidiƣanlarning ⱨǝmmisi!

6Ular ɵgzidǝ ünüp qiⱪⱪan qɵptǝk bolƣay;

Üzülmǝy turupla solixip ketidiƣan; 1

7Ot-qɵp oriƣuqiƣa uningdin bir tutammu qiⱪmaydu;

Baƣ baƣliƣuqiƣa bir ⱪuqaⱪmu qiⱪmaydu;

8Ɵtüp ketiwatⱪanlarmu: «Pǝrwǝrdigarning bǝrikiti üstünglarda bolƣay;

Pǝrwǝrdigarning nami bilǝn silǝrgǝ bǝht tilǝymiz!» — degǝn salamni ⱨeq bǝrmǝydu. 2