Muⱪeddes Kalam (yǝngi yeziⱪ)
Zǝbur 127
127-küy •••• Huda bǝrgǝn nesiwǝni ⱨeqkim tartiwalalmaydu
«Yuⱪiriƣa qiⱪix nahxisi»; Sulayman yazƣan küy: —
Pǝrwǝrdigar Ɵzi ɵy salmisa,
Salƣuqilar bikardin-bikar uningƣa ǝjir singdüridu;
Pǝrwǝrdigar xǝⱨǝrni saⱪlimisa,
Kɵzǝtqilǝr bikardin-bikar oyƣaⱪ turidu.
Silǝrning sǝⱨǝrdǝ ornunglardin ⱪopuxunglar,
Kǝq bolƣanda yetixinglar,
Japa-muxǝⱪⱪǝtni nandǝk yegininglar bikardin-bikardur;
Qünki U Ɵz sɵyginigǝ uyⱪuni beridu. 1
Mana, balilar Pǝrwǝrdigardin bolƣan mirastur,
Baliyatⱪuning mewisi Uning mukapatidur;
Yaxliⱪta tapⱪan balilar,
Baturning ⱪolidiki oⱪlardǝk bolidu.
Oⱪdeni muxular bilǝn tolƣan adǝm bǝhtliktur;
Xǝⱨǝr dǝrwazisida turup düxmǝnlǝr bilǝn sɵzlixiwatⱪinida,
Ular yǝrgǝ ⱪarap ⱪalmaydu. 2
Source notes (2)
- Footnote ◼ «Japa-muxǝⱪⱪǝtni nandǝk yegininglar bikardin-bikardur» — baxⱪa birhil tǝrjimisi: «Japa-muxǝⱪⱪǝt bilǝn tapⱪan nanni yegininglar bikardin-bikardur». «Qünki U Ɵz sɵyginigǝ uyⱪuni beridu» — baxⱪa birhil tǝrjimisi: «Qünki U Ɵz sɵyginigǝ uhliƣan waⱪtida beridu».
- Footnote ◼ «Xǝⱨǝr dǝrwazisida turup düxmǝnlǝr bilǝn sɵzlixiwatⱪinida» — «xǝⱨǝr dǝrwazisi» halayiⱪ yiƣin aqidiƣan, jǝm bolidiƣan jay idi.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.