Muⱪeddes Kalam (yǝngi yeziⱪ)
Zǝbur 126
126-küy •••• Sürgün boluxtin azad bolux
«Yuⱪiriƣa qiⱪix nahxisi»
Pǝrwǝrdigar Ziondin sürgün bolƣanlarni ⱪayturup kǝlgǝndǝ,
Biz qüx kɵrgǝndǝkla bolduⱪ; 1
Aƣzimiz külkigǝ,
Tilimiz xadlinixⱪa toldi;
Xu tapta ǝllǝr arisida ular: —
«Pǝrwǝrdigar ularƣa zor ixlarni ⱪilip bǝrdi» — deyixti. 2
Pǝrwǝrdigar dǝrwǝⱪǝ biz üqün zor ixlarni ⱪildi,
Biz bulardin xadlinimiz.
Jǝnubtiki ⱪuruⱪ eriⱪlar xar-xar sularƣa aylandurulƣandǝk,
Biz tutⱪunlarnimu ɵz ǝrkimizgǝ ⱪayturƣaysǝn, i Pǝrwǝrdigar; 3
Kɵz yaxlirini eⱪitip teriƣanlar xadliⱪ bilǝn orar;
Yiƣlap yürüp qaqidiƣan uruⱪni kɵtürgǝn kixi,
Bǝrⱨǝⱪ, xadliⱪ-tǝntǝnǝ bilǝn oriƣan baƣlirini kɵtürüp ⱪaytip kelidu.
Source notes (3)
- Footnote ◼ «Pǝrwǝrdigar Ziondin sürgün bolƣanlarni ⱪayturup kǝlgǝndǝ...» — baxⱪa birhil tǝrjimisi: «Pǝrwǝrdigar Zionning ǝⱨwalini ǝsligǝ ⱪayturƣanda...».
- Cross-reference ◘ Ayup 8:21
- Footnote ◼ «Jǝnubtiki ⱪuruⱪ eriⱪlar xar-xar sularƣa aylandurulƣandǝk...» — ⱪattiⱪ yamƣur yaƣⱪandin keyin, Pǝlǝstinning jǝnub tǝripidiki süyi yoⱪ eriⱪ-dǝryalar yerim saǝt iqidila küqlük ⱨǝm hǝtǝrlik dawalƣuƣan dǝryalarƣa aylandurulidu. «Biz tutⱪunlarnimu ɵz ǝrkimizgǝ ⱪayturƣaysǝn, i Pǝrwǝrdigar» — bu ikkinqi «tutⱪunluⱪ» nemini bildüridu? Babil imperiyǝsigǝ sürgün bolƣan Yǝⱨudiylar azad bolup Pǝlǝstingǝ ⱪaytip kǝlgǝndin keyin, yǝnǝ bǝk eƣir muxǝⱪⱪǝtlǝr ⱨǝm ziyankǝxlikkǝ uqridi («Nǝⱨǝmiya» ⱨǝm «Əzra» ⱪisimlirini kɵrüng). «Tutⱪunluⱪ» bǝlkim kɵqmǝ mǝnidǝ bolup, u eƣir ǝⱨwalni kɵrsitidu.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.