Muⱪeddes Kalam (yǝngi yeziⱪ)
Zǝbur 125
125-küy •••• Hudaning zor ⱨimayisi
«Yuⱪiriƣa qiⱪix nahxisi»
Pǝrwǝrdigarƣa tayanƣanlar Zion teƣidǝktur;
Uni tǝwrǝtkili bolmaydu,
U mǝnggülük turidu.
Yerusalem! Taƣlar uning ǝtrapini oruƣan,
Ⱨǝm Pǝrwǝrdigar ⱨazirdin ta ǝbǝdgiqǝ Ɵz hǝlⱪining ǝtrapini oraydu.
Qünki rǝzillǝrning ⱨoⱪuⱪ ⱨasisi ⱨǝⱪⱪaniylarning nesiwisining üstidǝ turup ⱪalmas;
Bolmisa ⱨǝⱪⱪaniylarmu ⱪollirini ⱪǝbiⱨlikkǝ uzartixi mumkin.
Pǝrwǝrdigar, meⱨribanlarƣa meⱨribanliⱪ ⱪilƣaysǝn;
Kɵngli duruslarƣimu xundaⱪ bolsun.
Biraⱪ ǝgri yollarƣa burulup kǝtkǝnlǝrni bolsa,
Pǝrwǝrdigar ularni ⱪǝbiⱨlik ⱪilƣuqilar bilǝn tǝng xallaydu.
Israilƣa aman-hatirjǝmlik bolƣay!
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.