Muqeddes Kalam (latin yéziq)

Zebur 87

87-küy •••• Zionning ulughluqi

Korahning oghulliri üchün yézilghan küy-naxsha: —

Uning uli bolsa muqeddes taghlardidur. 1

Perwerdigar ewzel körer Yaqupning bashqa jayliridinmu,

Peqetla Zion dǝrwazilirini.

Xeripingge ulugh ishlar éytilmaqta, i Xudaning shehiri!

Sélah.

«Rahab we Babilliⱪlar bardur Méni tonughanlar arisida;

Filistiyelik, Tur bilen Éfiopiyelik xu qatarda» — deymen.

Ular heqqide bu adem tughulghandur shu yerdǝ.2

Berheq, Zion toghruluq shundaq éytilar: —

«Bu adem, palanchi-pokunchi uningda tughulghan,

Hemmidin Aliy Bolghuchining Özi uni mustehkemleydu».

Xelq-qowmlarni xatiriliginide Perwerdigar: —

«Bu kishi bu yerde tughulghan» — dep alahide xatirige yézip qoyidu.

Sélah. 3 4

Naxshichilar, ussulchilar shuni teng éytidu: —

«Méning barliq bulaq-menbelirim séningdidur!» 5

Source notes (5)

Footnote ◼ «Uning uli bolsa muqeddes taghlardidur» — «Uning uli» — Xudaning uli, démek.
Footnote ◼ «... Rahab bilen Babilliⱪlar...» — «Rahab» bu yerde Misirni bildüridu (menisi: «tekebbur». «Yesh.» 30:7ni körüng). ««Méni tonup bilgenler arisida Rahab bilen Babilni tilgha alimen... mana bu adem shu yerde tughulghan» — deymen» — sözligüchi Xuda Özi bolsa kérek.
Footnote ◼ ««Bu kishi bu yerde tughulghan» — dep alahide xatirige yézip qoyidu» — bu sirliq söz Xudaning Yehudiy bolmighan («yat ellik») Özige étiqad qilghuchilarni étiqadi arqiliq «Özümge tewe adem, Özümning ailemdiki adem» dep hésablap, ulargha iltipat qilip: «Yérusalémda tughulghan» dep hésablaydighanliqini körsitidu.
Cross-reference ◘ Zeb. 22:31; Ibr.12:22-23
Footnote ◼ «Méning barliq bulaq-menbelirim séningdidur!» — «séningda» belkim Zionda dégen menide. Bezi alimlar menisini «Xuda Özide» dep qaraydu.

Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.